Mechaničnaje razmnažeńnie čaraŭnikoŭ
Hruvastkija i važnyja dekaracyi, epocha techniki i kaciałkoŭ, teatralnaja publika, prahnaja da vidoviščaŭ, patoplenaja dziaŭčyna – u kubie z vadoju, elektryčnaść, erotyka...
Prestyž (Prestige)
Vialikabrytanija – ZŠA, 2006, kalarovy, 128 chv
Režyser: Krytafer Nołan
Roli vykonvajuć: Hju Džekman, Krystyjan Bejł, Majkł Kiejn, Rebeka Choł, Skarlet Jochansan, Dejvid Boŭi
Žanr: Iluzijanisckaja drama
Adznaka: 5,5 (z 10)
Naprykancy 19 stahodździa dva londanskija iluzijanisty (Hju Džekman i Krystyjan Bejł) viaduć zaciatuju baraćbu. Praź niaščasny vypadak zahinuła žonka adnaho ź ich, i ciapier mahi zryvajuć pradstaŭleńni adzin adnaho, kraduć asabistyja dziońniki i pnucca vyviedać sakrety čaroŭnaj telepartacyi.
Hruvastkija i važnyja dekaracyi, epocha techniki i kaciałkoŭ, teatralnaja publika, prahnaja da vidoviščaŭ, patoplenaja dziaŭčyna – u kubie z vadoju, elektryčnaść, erotyka...
Mienskija hledačy ŭžo bačyli stužku “Iluzijanist” – pra zakachanaha maha na złomie stahodździaŭ. “Prestyž”, pry ŭsioj pavazie da Krystafera Nołana – “Iluzijanistu” sastupaje.
U surjoznych dekaracyjach “Prestyžu” źnikaje čaroŭnaja atmasfera, hublajecca cud, a pačućci – baraćby j nianaviści – chałodnyja j amal raźličanyja. Hju Džekman i Skarlet Jochansan, jakija składajuć duet u ałenaŭskaj “Sensacyi” – adbyvajuć “elektryčny” numar, daskanały, vykštałcony, praźmierny – i vidoviščny.
Krystafer Nołan biare zahadkami j elektratechnikaj. I hałoŭnaja zahadka elektratechniki – Dejvid Boŭi ŭ roli technamistyka Nikała Tesły – ź induktarami j małankami. Zrobleny Tesłaj prybor – harantuje cudy biez usialakich mahičnych fokusaŭ.
Vynikam technacudaŭ stajecca ahałomšany hladač, dabity padstanoŭkami z padvajeńniami. Tajna “Prestyžu” niečakanaja, surjoznaja i vielmi važnaja.
Ale nie pakidaje ŭražańnie, što heta mechaničnaje razmnažeńnie čaraŭnikoŭ.
Hladzi taksama: Naminanty na "Oskara" za 2006 h.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary