«Čas»: Marksisckaja antyŭtopija dla hanhsteraŭ-«akupantaŭ»
ZŠA, 2011, kalarovy, 109 chv.
Režysior: Endru Nikał
Roli vykonvajuć: Džastyn Cimberłejk, Amanda Sajfred, Kilian Merfi, Aleks Pecifier, Alivija Ŭald
Žanr: Fantastyčny trymcieńnik-antyŭtopija
Adznaka: 6,5 (z 10)
U pryšłym usie darosłyja vyhladajuć na 25 hadoŭ. Kab žyć dalej, jany musiać nabyvać čas. U biednych u zapasie tolki hadziny j sutki, a bahaciei ciešacca stahodździami. Uił — chłopiec z pracoŭnaha hieta, jaki trapiŭ u kvartał dla bahatych dyj uciok z dačkoj finansista. Ciapier zakachanaja paračka — pahroza dla ŭsioj sistemy.
Film novaziełandca Endru Nikała, jakoha zaŭždy cikavili niapravilnyja suśviety, — heta
marksisckaja antyŭtopija dla hanhsteraŭ-«akupantaŭ».Paŭtary stahodździ tamu adzin baradaty dziadziečka z «Kapitałam» u rukoch raspaviadaŭ, jak buržua vysmoktvajuć čas u pracoŭnych. Nikał hetuju mietafaru ŭvasobiŭ. Čas u filmie kuplajecca, kradziecca i pradajecca. Filižanka kavy — čatyry chviliny, mašyna — 59 hadoŭ, kvitok na aŭtobus — dźvie hadziny (košty zaŭždy rastuć).
U hetym śviecie biednyja dachadziahi śpiašajucca, a nieśmiarotnyja bahaciei — nudziacca ad viečnaści. Pierapady času vybuchajuć hanhsterskim ekšenam: hieroi stužki viaduć siabie, jak «Bońni i Kłajd».
Ale ŭ hetych dobrych razbojnikaŭ, jakija zaklikajuć da «akupacyi» bahatych rajonaŭ, zaŭždy dobry makijaž i fryzura.Padstryžana-zmročnaja karcina Nikała zanadta hłamurnaja j dobra pradajecca.
Hledačam jana abyjdziecca ŭ 109 chvilinaŭ.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary