Ad Rasii na «Jeŭrabačańnie» jeduć babuli, što śpiavajuć pa-ŭdmurcku + videa
Hurt «Branhurtyś piesianajos» apiaredziŭ Cimaci, a taksama Palinu Smołavu.
Možna nie sumniavacca: u nastupnym hodzie epihony z BT taksama źviernuć uvahu na «Hudu» i Nastu Niakrasavu.
Udmurcki fołk-hurt «Buranaŭskija babuli», pa-ŭdmurcku — «Branhurtyś piesianajos», byŭ abrany delehatam ad Rasii pa vynikach hałasavańnia, jakoje prajšło padčas kancertu ŭ žyvym efiry na telekanale «Rasija-1».
Hetaje šou zaviaršała nacyjanalny adboračny tur jeŭrapiejskaha televizijnaha pop-konkursu.
Voś humarnaja pieśnia, ź jakoj udmurtki pajeduć na «Jeŭrabačańnie»:
Kalektyŭ, jaki składajecca ź piensijanierak, vykanaŭ pieśniu Come on and dance na sumiesi udmurckaj i anhlijskaj movaŭ.
Jany abahnali takich zorak, jak duet Cimaci i tatarskaj śpiavački Aidy, a taksama šmatrazovaha łaŭreata «Jeŭrabačańnia» Dzimu Biłana, jaki vystupaŭ duetam z eks-udzielnicaj «Tatu» Julijaj Vołkavaj.
Siarod pretendentak była i biełaruska Palina Smołava.
«Buranaŭskija babuli» ŭziali 38,5% hałasoŭ. Za Biłana i Vołkavu prahałasavali 29,25% hledačoŭ. Za Cimaci i Aidu — 25%.
Usiaho ŭ finale ŭdzielničali 25 vykanaŭcaŭ. Biełaruska Palina Smołava zaniała 7-je miesca (5,79%).
Finał konkursu projdzie ŭ Baku 15 maja. Biełaruski adbor staŭ viadomy skandałam. Napačatku było zajaŭlena, što jedzie favarytka Alaksandra Łukašenki Alena Łanskaja, ale paśla krytyki śpieckamisija pryznała falsifikacyi, pierahledzieła vyniki, na konkurs jedzie «Łajtsaŭnd».
Pryjemna za «Branhurtyś piesianajos»! Voś padborka inšych tvoraŭ hurtu.
Zapaminalnaja ŭdmurckaja narodnaja pieśnia, svaim ładam tak padobnaja da biełaruskich:
A heta bolš liryčnaja:
Let it be pa-ŭdmurcku:
Udmurckaja mova naležyć da fina-vuhorskaj hrupy.
Udmurty — heta nievialiki narod, jaki starajecca zachavać svaju tojesnaść nasupierak rusifikacyi. Udmurckaja zorka (u tym liku na nacyjanalnym ściahu) rychtyk naša biełaruskaja tradycyjnaja «zorka ščaścia» (jaje vykarystoŭvaje na svaim ściahu Chryścijanskaja demakratyja). Etnohrafy miarkujuć, što tradycyjnyja biełaruskija arnamienty zastalisia ad pradaŭnich fina-vuhorskich nasielnikaŭ našych ziemlaŭ.
Udmurcki hurt uźnik pry zvyčajnym viaskovym domie kultury.
Ideja pierapiavać pa-ŭdmurcku suśvietnyja chity pryjšła jahonaj zahadčycy Volzie Tuktarovaj. Kolki ž moža zrabić dla svajoj kultury i prosta dla dušy kožny čałaviek!
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3
Kamientary