Prakapovič źmianiŭ Tkačova na pasadzie pamočnika Łukašenki pa ekanomicy
Piatro Prakapovič ličycca prychilnikam rynkavych mietadaŭ.
Žyvy kuryłka! Kiraŭnik Nacbanka, jaki syšoŭ z pasady «pa stanie zdaroŭja» paśla taho, jak u 2011 hodzie abrynuŭsia rubiel, atrymaŭ novuju pasadu.
Były pamočnik Łukašenki Tkačoŭ mieŭ reputacyju savietčyka i prychilnika administracyjnych mietadaŭ.Jon prasłaviŭsia svaim artykułam, u jakim patłumačyŭ razvał SSSR zhubnym upłyvam elemientaŭ rynkavaj ekanomiki, uviedzienych reformaj Kasyhina.
Piatro Prakapovič, naadvarot, ličycca prychilnikam rynkavych mietadaŭ.
Praŭda, reputacyja
Ahułam, u čas jahonaha bankirstva inflacyja ŭ Biełarusi zastavałasia — samaj vysokaj na kantyniencie, a rubiel abiasceńvaŭsia najchutčej siarod valut.I tym nie mienš Prakapovič atrymaŭ pryznačeńnie na samuju vysokuju pasadu. Heta lišni dokaz tamu, što nie jon byŭ tvorcam finansavaj burbałki, jakaja łopnuła ŭ 2011 hodzie.
U biełaruskim piersanalisckim režymie daradca prezidenta časam maje bolšy ŭpłyŭ, čym premjer ci kiraŭnik Nacbanka.
Michaił Miaśnikovič staŭ pieršym kiraŭnikom urada, jaki navažyŭsia asprečyć pazicyi Siarhieja Tkačova, pryčym jon zrabiŭ heta pryludna, na naradzie ŭ Saŭminie. Miaśnikovič abvinavaciŭ Tkačova, što jahonyja padychody viaduć da napampoŭvańnia ekanomiki pustymi, ničym nie zabiaśpiečanymi hrašyma.
Prakapovič rodam z Zachodniaj Biełarusi, maje karani ŭ Pružanskim i Bresckim rajonach.Svaju karjeru jon zrabiŭ u budaŭnictvie. Z Łukašenkam zbliziŭsia ŭ časie deputactva ŭ Viarchoŭnym Saviecie CHII sklikańnia.
U časie finansavaha kryzisu 2011 hoda źjaviŭsia navat sajt imia Piatra Prakapoviča, dziakujučy jakomu ludzi mianiali valutu. U toj ža samy čas Prakapoviču zrabili najskładaniejšuju apieracyju na sercy. Jamu zamianili sardečny kłapan. Paśla hetaha jon prachodziŭ doŭhi pieryjad reabilitacyi.
«Kurs stabilny i budzie zastavacca stabilnym u miežach ustanoŭlenaha kalidora plus-minus 8% da košyka valut», — zajaŭlaŭ Prakapovič pierad samym abvałam i abiacaŭ davieści zołatavalutnyja zapasy da 10—12 miljardaŭ dalaraŭ da 2012 hoda.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ10
Kamientary