Mastaka Puškina aryštavali na 10 sutak: patrabavaŭ ad milicyjantaŭ havaryć pa-biełarusku
Sud adbyŭsia ŭ Smarhoni 24 vieraśnia.
Alesia Puškina zatrymali razam z Alesiem Cyrkunovym, Valancinam Varaniščam, Hienadziam Drazdovym, Uładzimiram Šulžyckim 2 vieraśnia. Ich abvinavacili ŭ niesankcyjanavanym šeści ŭ Smarhoni. Noč jany praviali ŭ izalatary. A na nastupny dzień pačalisia administracyjnyja sudy. U vyniku usie atrymali štrafy, a razhlad spravy nad Puškinym pieranosiŭsia.
Pa słovach aktyvista Alesia Dzierhačova, jaki siońnia prysutničaŭ na sudzie,
sudździa Ludmiła Piatrova pryznała Puškina arhanizataram šeścia.
Chacia pry papiarednich razhladach takoha pytańnia nie paŭstavała. Taksama jaho pryznali vinavatym u niepadparadkavańni milicyi.
Niepadparadkavańnie zaklučałasia ŭ tym, što pry zatrymańni mastak paprasiŭ milicyjantaŭ vykazać svaje patrabavańni pa-biełarusku.
Puškin stajaŭ kala milicyjantaŭ — z abrazom na hałavie, na hrudziach u jaho visieŭ partret Raścisłava Łapickaha — i bolš ničoha nie kazaŭ. Tady milicyjanty skinuli abraz, źniali patret, a na Puškina načapili kajdanki i zapichali ŭ mašynu. Ale i ŭnutry, kali ŭ Alesia paprasili pasunuć nohi, toj prasiŭ razmaŭlać ź im pa-biełarusku. U vyniku daviałosia milicyjantam samim zhinać jaho nohi.
Mastaku ŭ termin źniavoleńnia buduć zaličanyja sutki, jakija jon pravioŭ u izalatary paśla zatrymańnia.
2 vieraśnia Aleś Puškin ź siabrami zładziŭ akcyju ŭšanavańnia ŭhodkaŭ narodzinaŭ Raścisłava Łapickaha — kiraŭnika antykamunistyčnaha padpolla paśla vajny. Jany pranieśli partret Łapickaha pa horadzie.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała24
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5555
Kamientary