11 ліпеня (пятніца) адбудзецца прэзентацыя дэбютнага зборніка прозы Аляксея Палачанскага «Мой цвік».
Аляксей пачаў пісаць гадоў з шасці, але сур’ёзныя творы ў яго з’явіліся толькі напачатку навучання ва ўніверсітэце.
Сам аўтар кажа, што зборнік атрымаўся надзвычай асабісты, гэта жыццёвыя сітуацыі, у якія ён трапляў, што праўда, надзвычай мадыфікаваныя.
Апавяданне «Двое» пра час, пра ягоную ад нас незалежнасць. Напрыклад, хочацца захаваць дзіцячыя ўспаміны, калі ляжыш зімовым ранкам у цёмным пакоі пад коўдрай, ляжыш і з жахам чакаеш, што пачне звінець будзільнік. І давядзецца перабірацца з-пад коўдры ў іншае жыццё.
Падчас імпрэзы аўтар прачытае ўрыўкі са зборніка, распавядзе пра свае творчыя планы і нават сыграе ў складзе «LAUDANS».
Гасцямі вечара стануць Ірына Шамко, Юрась Ускоў і Зміцер Калейчык.
Чакаем вас у 19.00 у кнігарні «Галіяфы», Валгаградская, 6 (ст. метро «Маскоўская»).
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома4
Каментары