Прэзідэнт Украіны Пятро Парашэнка ўзнагародзіў ордэнам Герояў Нябеснай сотні трох замежнікаў — грамадзяніна Беларусі Міхаіла Жызнеўскага і грамадзян Грузіі — Зураба Турцыя і Давіда Кіпіані, якія загінулі падчас Рэвалюцыі годнасці (падзей на Майдане ў студзені-лютым 2014 г.).
Як паведамілі ў прэс-службе кіраўніка дзяржавы, адпаведны дакумент Парашэнка падпісаў падчас сустрэчы з бацькамі Міхаіла Жызнеўскага, якім перадаў узнагароду іх сына.
Кіраўнік дзяржавы падзякаваў бацькам за тое, што выхавалі героя, памяць аб якім назаўжды застанецца ў сэрцах украінцаў.
«Ваш сын — сапраўды герой. Ён аддаў самае каштоўнае — сваё жыццё. І аддаў яе не толькі за свабоду Украіны, але і за тое, каб была дэмакратыя і свабода ва ўсёй Еўропе і ва ўсім свеце», — адзначыў прэзідэнт Украіны.
У сваю чаргу маці Жызнеўскага распавяла, што ў Беларусі яе сына лічаць «бандытам і нацыстам», дадаўшы, што на магіле загінулага героя невядомыя пастаянна зрываюць украінскі сцяг. Яна выказала надзею, што званне Героя Украіны дазволіць змяніць стаўленне да яе сына.
Парашэнка нагадаў, што для загінуўшых герояў Рэвалюцыі годнасці была заснаваная ўзнагарода — ордэн Герояў Нябеснай сотні.
Прэзідэнт адзначыў, што робіць усё магчымае для таго, каб Жызнеўскі атрымаў званне «Герой Украіны», аднак цяпер закон не дазваляе ўручаць гэтую ўзнагароду замежнікам, і патрэбна адпаведнае рашэнне Вярхоўнай Рады. Кіраўнік дзяржавы выказаў надзею, што парламент прыме неабходныя змены ў заканадаўства.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь10
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары