Убачыла ў горадзе афішу Купалаўскага тэатра на верасень. Там пазначана прэм’ера — «На Беларусі бог жыве». Што гэта за спектакль? Што яшчэ рыхтуюць купалаўцы?
Марыя Зайцава, Мінск.
Як патлумачыла «Народнай Волі» Вольга Бабкова, загадчыца літаратурна-драматургічнай часткі Купалаўскага, гэта будзе аднаразовы паказ монаспектакля па творах Уладзіміра Караткевіча. Выканаўца — акцёр Рускага тэатра Валерый Шушкевіч. Некаторым гледачам гэта пастаноўка вядома пад назвай «Дабравесце ад Уладзіміра». Спектакль «На Беларусі бог жыве» можна будзе ўбачыць на малой сцэне Купалаўскага тэатра 24 верасня. Кошт квітка — 7 рублёў.
Таксама купалаўцы рыхтуюць дзве прэм’еры.
Сяргей Кавальчык, мастацкі кіраўнік Рускага тэатра, паставіць баль-маскарад «Крышталёвы туфлік» (паводле знакамітай «Папялушкі»).
Мастацкі кіраўнік Купалаўскага Мікалай Пінігін будзе працаваць над французскай камедыяй «Школа падаткаплацельшчыкаў». Французскі драматург, сцэнарыст і акцёр Луі Вернёйль напісаў аднайменную п’есу ў сааўтарстве з акцёрам Жоржам Бэрам у 1934 годзе. Згодна з сюжэтам, француз Гастон Вальцье адкрывае Школу падаткаплацельшчыкаў, дзе за невялікае ўзнагароджванне вучыць ухіляцца ад дзяржаўных падаткаў. Грошы яму патрэбны, каб не страціць жонку, якая вырашыла яму здрадзіць…
Цікава, што Пінігін ужо ставіў гэтую п’есу ў 2010 годзе ў Санкт-Пецярбургу на сцэне Вялікага драматычнага тэатра імя Таўстаногава, дзе працаваў да вяртання ў Мінск. Для пастаноўкі ў Купалаўскім пераклад твора з французскай мовы адмыслова зрабіў Андрэй Хадановіч.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам14
Каментары