Чарговы кангрэс «Мама Pro» пройдзе ў Віцебску: абмяркуюць нюансы дэкрэта для тат
16 чэрвеня Віцебск стане пятым абласным цэнтрам краіны, дзе пройдзе рэспубліканскі кангрэс «Мама Pro»*.
Акрамя тэмы дэкрэтнага адпачынку для тат, арганізатары абяцаюць падзяліцца інфармацыяй пра прышчэпкі, летні адпачынак для малых дзяцей і абавязкова адказаць на ўсе пытанні гасцей.
— Мы ўжо пераканаліся ў тым, што таты вельмі хочуць браць удзел у жыцці дзяцей з самага старту, — распавядае кіраўнік праекта «Мама Pro», акушэр-гінеколаг Дзіяна Мардас. — Яны актыўна задаюць пытанні, імкнуцца на практычных занятках часам больш за мам. Магчыма, што некаторыя бацькі проста баяцца нешта зрабіць не так, таму аддаюць жонкам «стырно кіравання». Татам трэба проста не баяцца пытацца і вучыцца, а нам, мамам, быць гатовымі ўсё паказаць. Прыемна, што да нас у госці прыходзяць сем'ямі, бо наша пляцоўка і была арганізаваная для дыялогу ўсіх, хто імкнецца атрымаць максімум ведаў для свайго ўсвядомленага мацярынства і бацькоўства.
На кангрэсе бацькі таксама змогуць даведацца пра сучасныя метады абязбольвання родаў, тактыку дзеянняў у экстранных сітуацыях, пра гігіену дзіцяці з ранняга ўзросту, прынцыпы правільнага харчавання і многае іншае.
Дзе адбудзецца мерапрыемства:
У канцэртнай зале «Віцебск» (парк імя Фрунзе, 1). Пачатак у 10.00.
*«Мама Pro» — першая афлайн- і анлайн-пляцоўка для ўзаемадзеяння будучых і сённяшніх бацькоў з вядучымі спецыялістамі сфер аховы здароўя, сацыяльнай абароны, адукацыі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары