УЕФА аднагалосна вырашыў байкатаваць турніры ФІФА, калі рэалізуюцца планы Інфанціна
УЕФА і ўсе 55 нацыянальных футбольных асацыяцый Еўропы аднагалосна падтрымалі рашэнне аб магчымым байкоце турніраў ФІФА, калі арганізацыя не адмовіцца ад плана перадаць частку камерцыйных правоў на чэмпіянаты свету прыватным інвестарам. Гэта рашэнне было прынята на экстраным пасяджэнні УЕФА, паведамляе The Guardian.
Паводле заявы УЕФА, еўрапейскія асацыяцыі катэгарычна не згодныя з прапановай прэзідэнта ФІФА Джані Інфанціна стварыць новую камерцыйную структуру і прадаць у ёй мінарытарную долю знешнім інвестарам. УЕФА сцвярджае, што чэмпіянат свету «не можа разглядацца як інвестыцыйны прадукт» і што «сусветны футбол не прадаецца».
Калі ФІФА ўсё ж зацвердзіць праект і не адмовіцца ад яго, еўрапейскія зборныя не будуць удзельнічаць у спаборніцтвах пад эгідай ФІФА. Байкот закране:
- мужчынскі чэмпіянат свету;
- жаночы чэмпіянат свету;
- клубны чэмпіянат свету;
- іншыя турніры, якія арганізуе ФІФА.
У сваю чаргу ФІФА заяўляе, што гаворка ідзе не пра продаж самога чэмпіянату свету, а пра стварэнне новай камерцыйнай кампаніі FIFA Forward Enterprise, у якой арганізацыя захавае поўны кантроль над футбольным кіраваннем, правіламі і правядзеннем турніраў. Прыцягнутыя сродкі плануецца накіраваць на развіццё футбола ва ўсіх 211 нацыянальных асацыяцыях.
Супрацьстаянне паміж УЕФА і ФІФА ўжо называюць адным з самых сур'ёзных крызісаў у гісторыі міжнароднага футбола. Калі бакі не прыйдуць да кампрамісу, адсутнасць еўрапейскіх зборных можа кардынальна змяніць, і зусім не ў лепшы бок, будучыя чэмпіянаты свету.
«Душа футбола не прадаецца». УЕФА правядзе экстраннае пасяджэнне ў сувязі з планамі ФІФА прыцягнуць да фінансавання турніраў прыватных інвестараў
Прэзідэнт ФІФА хоча падзяліцца правамі на мундыяль з блізкімі да Трампа прыватнымі інвестарамі
Трамп хоча, каб Інфанціна стаў генеральным сакратаром ААН
Зборная Іспаніі пасля чэмпіянату свету ўзначальвае рэйтынг ФІФА
Даходы ФІФА ад правядзення чэмпіянату свету 2026 года складуць рэкордныя $15 млрд
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Инфантино офонарел.
Пора его в отставку отправить.