У Брэсце зноў затрымліваюць людзей перад чарговай прагулкай-пратэстам супраць акумулятарнага завода
У Брэсце затрыманыя журналісты Мілана Харытонава і Алесь Ляўчук, паведаміла Харытонава ў сябе ў фэйсбуку. Гэта здарылася напярэдадні чарговага «кармлення галубоў» на плошчы Леніна і прагулкі па цэнтры горада. Такім чынам жыхары Брэста пратэстуюць супраць пабудовы ў прыгарадзе горада акумулятарнага завода. Людзі лічаць, што ўзвядзенне такога прадпрыемства прывядзе да атручвання наваколля свінцом.
У мінулыя нядзелі міліцыя не раз затрымлівала актывіста Аб'яднанай грамадзянскай партыі Аляксандра Кабанава, акцёра-блогера Сяргея Пятрухіна і адстаўнога вайскоўца, праваабаронцу Уладзіміра Вялічкіна.
Кабанава і Пятрухіна ўлады лічаць завадатарамі пратэсту.
Захапленне настойлівасцю пратэстоўцаў у Брэсце на мінулым тыдні вырвалася ў кіраўніка Савета Рэспублікі Міхаіла Мясніковіча. «Арганізуюцца самастойна, выступаюць за вырашэнне лакальных праблем, актыўна прадстаўлены ў інтэрнэце, маюць рухомасць і хуткасць рэагавання, гатовыя актыўна і публічна адстойваць свае інтарэсы», — сказаў Мясніковіч.
Цяпер чытаюць
Два кенты на Савецкай у Брэсце ў кепках з ЧЗ падпявалі пад песню «Жукоў». І мелі неасцярожнасць запосціць гэта ў трэдс7
Два кенты на Савецкай у Брэсце ў кепках з ЧЗ падпявалі пад песню «Жукоў». І мелі неасцярожнасць запосціць гэта ў трэдс
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары