Грамадства1212

У Беларусі арыштавалі французскага адстаўнога вайскоўца, які захапляецца цягнікамі. Ужо тры месяцы ён у СІЗА

Паездка з жонкай да яе сваякоў у Беларусі скончылася для француза Барыса затрыманнем. Ягоныя родныя не маюць дакладнай інфармацыі пра тое, дзе менавіта ён знаходзіцца, у якіх умовах утрымліваецца, які ў яго стан здароўя і ці мае ён доступ да адваката.

Француз Барыс шмат гадоў служыў афіцэрам у французскім войску, а пасля працягнуў кар’еру інжынерам у энергетычнай сферы. Ён захапляецца музыкай, але галоўная ягоная цікавасць з дзяцінства — цягнікі. Пра іх нават пісаў шэраг артыкулаў для спецыялізаваных часопісаў.

У красавіку 2026 года Барыс разам з жонкай прыехаў у Беларусь у турыстычную паездку, каб наведаць яе сям'ю.

Але падчас гэтай паездкі здарылася тое, чаго сям'я не магла прадбачыць. Барыса затрымалі, і ўжо чацвёрты месяц родныя, паводле іх слоў, не маюць афіцыйнай інфармацыі пра тое, дзе менавіта ён знаходзіцца, у якіх умовах яго ўтрымліваюць і ці мае ён доступ да адваката.

Пра абставіны паездкі і затрымання расказаў у сацсетках Жульен Рызэ, стрыечны брат Барыса 

Паводле Жульена Рызэ, падчас знаходжання ў Беларусі Барыс пайшоў агледзець наваколле і сфатаграфаваць цягнік, каб пасля абмеркаваць яго са сваімі сябрамі, якія таксама цікавяцца чыгункай.

Як сцвярджае Рызэ, у гэты момант за Барысам нібыта сачыў і здымаў яго беспілотнік. Неўзабаве француза затрымала міліцыя. Стрыечны брат лічыць, што гэта адбылося без прычыны.

З таго часу, паводле Жульена, сям’я не мае ад Барыса ніякіх навін.

Сям'я і сябры Барыса звярталіся ў Елісейскі палац, Міністэрствы ўнутраных і замежных спраў Францыі, да сенатараў, парламентарыяў, у амбасады і розныя няўрадавыя арганізацыі. Паводле Жульена, у адказ яны атрымлівалі толькі пацвярджэнні, што звароты прынятыя, і паведамленні пра тое, што справай займаюцца.

Аднак, як сцвярджае стрыечны брат, сям'я так і не атрымала афіцыйных дакументаў пра затрыманне Барыса. 

Родныя спадзяюцца, што публічнасць дапаможа зрушыць сітуацыю з месца, не дазволіць, каб пра Барыса забыліся, і дапаможа яму атрымаць неабходную абарону.

Каментары12

  • Хрушч
    24.07.2026
    Вось чаму Макрон тэлефанаваў. Гандаль працягваецца, новы тавар набіраецца.
  • Жвір
    24.07.2026
    Чарговы закладнік, на абмен на зьняцьцё санкцыяў з НПЗ. Вы думаеце, гэта выпадковае супадзеньне ? Малаймаверна.
  • МаяХатаСкраю
    24.07.2026
    Жонка " не інцересовалась палітыкой"

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць