Дырэктар Інстытута сацыялогіі патрабуе выбачэнняў ад БелТА, бо ад яго імя апублікавалі фэйк
Дырэктар Інстытута сацыялогіі Генадзь Коршунаў заявіў, што дзяржаўнае інфармацыйнае агенцтва БелТА прыпісала яму словы, якія ён не казаў. Навуковец патрабуе выбачэнняў і выдалення навіны з сайта БелТА.
У панядзелак, 1 чэрвеня, праходзіў круглы стол, арганізаваны БелТА і Беларускім інстытутам стратэгічных даследаванняў.
Праз дзень, 3 чэрвеня, БелТА апублікаваў шэраг навінаў з мерапрыемства, у тым ліку з выказваннямі Коршунава.
Чытайце:
Дырэктар Інстытута сацыялогіі: Заклікаем арганізатараў анлайн-апытанняў задумацца, у што выліваецца іх «сацыялогія»
Аднак сацыёлаг сцвярджае, што не казаў гэтых словаў.
«Учора я, на жаль, быў на пахаванні і выпаў з інфармацыйнага поля.
Калі я ўключыў тэлефон, то быў збянтэжаны патокам інфармацыі, звязанай з нібыта маім інтэрв'ю, што апублікавала БелТА. Афіцыйна заяўляю, што тэкст, падпісаны маім прозвішчам, мною не пісаўся і не прамаўляўся.
Прэтэнзіі БелТА выказаныя, я чакаю зняцця матэрыялу з сайта і патрабую выбачэнняў ад БелТА», — напісаў Генадзь Коршунаў у фэйсбуку.
«Сёння я пазваніў у БелТА, галоўны рэдактар Ірына Акуловіч паабяцала, што будзе праверка. Артыкул яны здымуць і нейкае выбачэнне паставяць, — патлумачыў Коршунаў карэспандэнту «Нашай Нівы».
— Бо словы не мае. Хто іх казаў, я не памятаю. Не ведаю нават, ці гучалі яны падчас самога круглага стала, бо і да яго, і пасля былі размовы ўдзельнікаў з журналістамі. Гэта магло прагучаць і не канкрэтна за сталом».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары