На рэйсе «Белавія» чатырохгадовую дзяўчынку пасадзілі асобна ад маці
Беларуска не стала загадзя плаціць за выбар месцаў, бо раней яе дзіця аўтаматычна садзілі побач з адным з бацькоў. Гісторыя выклікала спрэчку ў Threads.
Падчас рэгістрацыі на рэйс «Белавія» жанчына і яе чатырохгадовая дачка атрымалі месцы па розныя бакі праходу, піша BGmedia.
Пасажырка расказала, што ўжо неаднаразова лятала з дзіцем і раней іх заўсёды садзілі побач. Таму гэтым разам яна не стала загадзя аплачваць выбар месцаў.
Паводле жанчыны, пасажыраў, якія рэгістраваліся пазней, змаглі пасадзіць разам.
У каментарах меркаванні падзяліліся. Адны палічылі, што чатырохгадовае дзіця павінна сядзець побач з дарослым без дадатковай платы. Іншыя нагадалі, што пасажырка магла загадзя аплаціць выбар месцаў: «Чаму, калі вы хацелі сядзець побач, не аплацілі гэтую паслугу загадзя? Гэта ж лагічна».
На сайце «Белавія» пазначана, што магчымасць бясплатна выбраць месца залежыць ад тарыфу. У даступных публічных правілах авіякампаніі няма асобнай гарантыі, што дзіця, старэйшае за два гады, у любым выпадку пасадзяць непасрэдна побач з бацькам або маці.
У Еўрасаюзе тым часам узгаднілі новыя правілы, паводле якіх дзіця да 14 гадоў і дарослага, які яго суправаджае, павінны садзіць побач без дадатковай платы. Аднак гэтая норма яшчэ не паўсюдна дзейнічае.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары