Па справе медыяменеджара Андрэя Аляксандрава людзей сталі масава выклікаць на допыты
Пра выклікі людзей у міліцыю на допыты праваабаронцам паведамілі з Мазыра і Калінкавічаў. Таксама дапытваюць людзей у Гомелі, піша spring96.org.
Усяго вядома пра тое, што ў Палескім рэгіёне мусяць дапытаць больш за дзесяць чалавек. Усе яны з’яўляюцца сведкамі ў так званай справе затрыманага журналіста і медыяменеджара Андрэя Аляксандрава.
Людзям задаюць каля 20 прыкладна аднолькавых пытанняў, якія тычацца аплаты штрафаў, прысуджаных падчас палітычных рэпрэсіяў за ажыццяўленне людзьмі сваіх правоў.
Таксама пытаюць пра тое, ці са сваёй ініцыятывы людзі ўдзельнічалі ў мірных сходах (паводле версіі ўладаў — «несанкцыянаваных масавых мерапрыемствах»), просяць паказаць у месенджарах тэлефонаў ліставанне з фондам салідарнасці ByHelp.
Таксама запытваюцца, ці ведаюць людзі, каму яшчэ маглі дапамагчы ў сплаце штрафаў Аляксандраў альбо Злобіна.
Былы намеснік дырэктара інфармацыйнага агенцтва БелаПАН Андрэй Аляксандраў і ягоная дзяўчына Ірына Злобіна былі затрыманыя 12 студзеня.
Улады абвінавацілі іх у фінансаванні пратэснай дзейнасці праз аплату штрафаў і кошту знаходжання вязняў у месцах зняволення і распачалі крымінальную справу паводле артыкула 342 Крымінальнага кодэкса (арганізацыя групавых дзеянняў, якія груба парушаюць грамадскі парадак).
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары