У Дзень ведаў, 1 верасня, тарыфы ў сэрвісе «Яндэкс Go» мяняцца не будуць. Аднак кошт паездкі можа аказацца вышэйшым за звычайны праз вялікі попыт і недахоп свабодных машын, папярэдзілі ў кампаніі.
У гэты дзень многія людзі адначасова заказваюць таксі, каб трапіць на школьныя лінейкі. Пры гэтым частка кіроўцаў таксама возіць сваіх дзяцей у школы і можа не выйсці на лінію. Таму, калі ахвотных паехаць становіцца больш, чым свабодных аўтамабіляў, у сэрвісе аўтаматычна ўключаецца павышальны каэфіцыент.
Паводле «Яндэкс Go», 1 верасня попыт пачынае істотна расці прыкладна з 7:35 раніцы. Найбольш заказаў звычайна прыпадае на 9:00, 9:30 і 9:50, таму ў гэты час паездкі могуць каштаваць даражэй. Пасля 9:55 попыт, як правіла, зніжаецца, і заказаць таксі можа быць больш выгадна.
У дадатку ёсць спецыяльны індэкс цаны, які паказвае сітуацыю з колькасцю свабодных машын. Зялёны колер азначае, што аўтамабіляў дастаткова і дзейнічае звычайная цана. Аранжавы або чырвоны паказваюць на дэфіцыт машын і больш высокую цану.
Каб ашчадзіць, сэрвіс можа прапанаваць пасажыру крыху пачакаць або прайсці некалькі хвілін да месца пасадкі. Такія варыянты дапамагаюць знізіць кошт паездкі і адначасова дазваляюць кіроўцам хутчэй браць наступныя заказы.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары