Pa spravie miedyjamieniedžara Andreja Alaksandrava ludziej stali masava vyklikać na dopyty
Pra vykliki ludziej u milicyju na dopyty pravaabaroncam paviedamili z Mazyra i Kalinkavičaŭ. Taksama dapytvajuć ludziej u Homieli, piša spring96.org.
Usiaho viadoma pra toje, što ŭ Paleskim rehijonie musiać dapytać bolš za dziesiać čałaviek. Usie jany źjaŭlajucca śviedkami ŭ tak zvanaj spravie zatrymanaha žurnalista i miedyjamieniedžara Andreja Alaksandrava.
Ludziam zadajuć kala 20 prykładna adnolkavych pytańniaŭ, jakija tyčacca apłaty štrafaŭ, prysudžanych padčas palityčnych represijaŭ za ažyćciaŭleńnie ludźmi svaich pravoŭ.
Taksama pytajuć pra toje, ci sa svajoj inicyjatyvy ludzi ŭdzielničali ŭ mirnych schodach (pavodle viersii ŭładaŭ — «niesankcyjanavanych masavych mierapryjemstvach»), prosiać pakazać u miesiendžarach telefonaŭ listavańnie z fondam salidarnaści ByHelp.
Taksama zapytvajucca, ci viedajuć ludzi, kamu jašče mahli dapamahčy ŭ spłacie štrafaŭ Alaksandraŭ albo Złobina.
Były namieśnik dyrektara infarmacyjnaha ahienctva BiełaPAN Andrej Alaksandraŭ i jahonaja dziaŭčyna Iryna Złobina byli zatrymanyja 12 studzienia.
Ułady abvinavacili ich u finansavańni pratesnaj dziejnaści praz apłatu štrafaŭ i koštu znachodžańnia viaźniaŭ u miescach źniavoleńnia i raspačali kryminalnuju spravu pavodle artykuła 342 Kryminalnaha kodeksa (arhanizacyja hrupavych dziejańniaŭ, jakija hruba parušajuć hramadski paradak).
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary