Першая «разумная чыгунка» ў свеце гатова да выпрабаванняў
Людзі звычайна звязваюць будучыню аўтаматызаванага кіравання з аўтамабілямі, грузавікамі ці аўтобусамі. Аднак гэта тэхналогія ўжо закранула і чыгуначны рух у Германіі.
Саксонскі горад Анаберг, які знаходзіцца недалёка ад нямецка-чэшскай мяжы, не прывабліваў увагі людзей, якія займаюцца распрацоўкай транспарту будучыні. Аднак на працягу апошніх гадоў Анаберг выклікае цікавасць як даследчыкаў, так і бізнэсменаў, бо ў студзені 2018 года там адкрыўся першы ў свеце цалкам лічбавы чыгуначны стрэлачны пост.
Гэта з’яўляецца часткай нямецкага праекта Smart Rail Connectivity Campus (SRCC), які ажыццяўляецца галоўным чыгуначным аператарам Deutsche Bahn і Хемніцкім тэхнічным універсітэтам. Мэта праекта пабудаваць разумную чыгунку, якая стане пачаткам для лічбавага чыгуначнага руху ў Еўропе, піша DW.
Чыгунка ўжо гатовая да выпрабаванняў. Яна будзе выкарыстоўваць сістэмы лічбавага кантролю і бяспекі чыгуначнага руху, экалагічна чыстыя тэхналогіі руху цягнікоў, штучны інтэлект, а таксама мабільную перадачу звестак пятага пакалення.
Першую радыёмачту 5G пабудавалі ў Анабергу ў 2019 годзе. Тады ўпершыню пратэсціравалі на невялікім участку беспілотны цягнік ад французскай кампаніі Thales, які рухаўся з дапамогай перадачы звестак 5G.
Перадача звестак 5G забяспечвае маніторынг руху цягнікоў у рэжыме рэальнага часу. Патрабуецца каля 30 радыёмачтаў 5G, каб забяспечыць рух цягнікоў на 24-кіламетровым маршруце.
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту47
Каментары