Батат, які ў Беларусі лічыцца экзотыкай, можа стаць не горшым за бульбу. Жыхар Аронавай Слабады Віктар не проста вырасціў паўднёвы карняплод, але і вывеў уласныя сарты, прыстасаваныя да мясцовага клімату, піша pristalica.by.
Вырошчванне батату ў беларускіх умовах — працэс захапляльны, але патрабуе ведаў. Паводле слоў Віктара, гэты год выдаўся складанейшым за папярэдні з-за капрызаў надвор'я.
— Батат — непрадказальная расліна ў беларускіх шыротах. У нашых умовах ён можа даць як суперураджай, так і мінімальны ўраджай — усё залежыць ад таго, якія сарты мы будзем выкарыстоўваць, — тлумачыць мужчына.
— Надвор'е сёлета падвяло: цяпло змянялася дажджамі, а потым спякотай. Калі летась клубні вырасталі да двух кілаграмаў, то сёлета стабільна атрымліваем па кілаграме-паўтара.
Тым не менш, правільны падыход дае вынік. Самае галоўнае — своечасова падрыхтаваць градкі, зрабіць іх сухімі і рыхлымі, а затым накрыць поліэтыленам. Паводле слоў жыхара Аронавай Слабады, пераўвільготненая зямля згубная для гэтай культуры, а вось лёгкія супясчаныя і тарфяныя глебы падыходзяць ідэальна.
Чаму атрымаць насенне батату ў Беларусі найскладаней
Калекцыі Віктара можа пазайздросціць любы аграном: афіцыйна прызнаных і выпрабаваных сартоў у яго налічвалася каля 54. Адзін з іх давялося выбракаваць, бо яму не спадабалася мясцовая прахалода.
Асобны напрамак працы гаспадара — селекцыя. Атрымаць насенне батату ў беларускім клімаце — надзвычай складаная задача, якая патрабуе стабільнага цяпла і працы насякомых-апыляльнікаў. У дажджлівае лета з гэтым было няпроста. Тым не менш, энтузіяст паспяхова прарошчвае насенне ў кубках Петры і выпрабоўвае новыя эксперыментальныя ўзоры.
— Першыя беларускія сарты з'явіліся летась, а сёлета яны прайшлі другі этап працы і паказалі сябе з лепшага боку. Таму некаторыя з іх ужо атрымаюць свае назвы, — дзеліцца поспехамі селекцыянер.
Дыябетыкам і людзям з сардэчна-сасудзістымі захворваннямі: чым батат адрозніваецца ад звычайнай бульбы
Акрамя незвычайнага смаку і разнастайнасці кулінарнага выкарыстання, з батату гатуюць супы, запяканкі, мусы, чызкейкі і нават карысныя булачкі. Культура цэніцца за свае ўласцівасці.
— Батат добры тым, што ён цалкам засвойваецца, у адрозненне ад звычайнай бульбы, у якой высокі ўзровень цукру. У батату вельмі нізкі глікемічны індэкс, таму ён карысны для дыябетыкаў і людзей з сардэчна-сасудзістымі захворваннямі, — тлумачыць Віктар.
Няхай батат і паўднёвая культура, пад Мінскам ён ужо прыжыўся — і, здаецца, усур'ёз. Так што «другі хлеб» пакуль трымаецца, але канкурэнт у яго ўжо ёсць.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары