Мастак Алесь Пушкін, супраць якога завялі крымінальную справу «за нацызм», вярнуўся на радзіму
Мастак прыляцеў з Кіева ў Мінск вячэрнім рэйсам 26 сакавіка.
У Кіеве Пушкін браў удзел у выставе беларускіх мастакоў «Кожны дзень. Мастацтва, салідарнасць, супраціў», якая праходзіць у Мастацкім арсенале, адной з найбуйнейшых культурных пляцовак ва Украіне, піша «Радыё Свабода».
Перад вылетам з Кіева Алесь Пушкін ведаў, што супраць яго пракуратурай Горадні заведзеная крымінальная справа за «рэабілітацыю і апраўданне нацызму» (частка 3 артыкула 130 Крымінальнага кодэкса Беларусі). Але ён не разглядаў варыянту заставацца ва Украіне і вярнуўся на радзіму.
Справа датычыць карціны аўтарства Пушкіна, якая была на выставе ў Гродне. Па гэтай жа справе ў пятніцу ў Гродне быў затрыманы Павал Мажэйка — стваральнік Цэнтра гарадскога жыцця, дзе і адбылася выстава.
Спачатку паведамлялася, што Пушкін па вяртанні ў Мінск быў затрыманы, але потым стала вядома, што ён на волі і скіраваўся ў Бобр, дзе жыве.
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads8
Каментары