Сёння на сустрэчы з генеральным пракурорам Расіі Ігарам Красновым у Мінску Аляксандр Лукашэнка расказаў пра «сітуацыю за заходнімі межамі Беларусі», піша БелТА.
«Апошні факт (напэўна, і ў Расіі заўважылі): з нелегальнай міграцыяй палякі на мяжы з Беларуссю будуць змагацца з дапамогай танкаў «Леапард». Напэўна, вы здзівіцеся такому. Але як змагацца з танкамі супраць мірных жыхароў, я не ведаю. Проста шукаюць любую нагоду, каб прасунуць свае войскі бліжэй да нашых межаў. Чытай — межаў Саюзнай дзяржавы. Мы гэта ўсё бачым і, натуральна, будзем вельмі жорстка на гэта рэагаваць. Мы яшчэ пачакаем некаторы час, папярэдзім іх. А потым у нас ёсць, што пасунуць бліжэй да межаў. У нас, а тым больш у Расійскай Федэрацыі. Тут мы будзем дзейнічаць жорстка, не гледзячы ні на якую крытыку з іх боку. Мы ведаем, чаго яны хочуць», — заявіў ён.
26 кастрычніка падчас паездкі ў Ліду Лукашэнка ўжо выказваўся з нагоды становішча на заходніх рубяжах краіны. «Вы выдатна бачыце, вы тут больш на Захадзе, чым усе астатнія. І бачыце, што адбывалася і што ад нас хочуць. Учора ўжо «Леапарды» падкінулі да нашай мяжы — танкі», — заўважыў ён у размове за работнікамі бальніцы.
У сувязі з гэтым ён звярнуўся да памочніка — інспектара Гродзенскай вобласці Юрыя Караева: «Ты, Юра, глядзі тут (ты ж генерал, акрамя ўсяго іншага), што яны там робяць за межамі. Своечасова падказвайце. Нягоднікі крайнія. Баюся, каб яны вайнушку не развязалі тут».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары