Беларускага футбольнага трэнера Віктара Ганчарэнку звольнілі з «Краснадара»
Кіраўніцтва футбольнага клуба «Краснадар» прыняло рашэнне адправіць у адстаўку галоўнага трэнера Віктара Ганчарэнку і двух яго памочнікаў — Аляксандра Ермаковіча і Васіля Беразуцкага.
Фота: eurosport.com
У «Краснадар» Ганчарэнка прыйшоў у красавіку мінулага года. Клуб знаходзіцца на пятым месцы расійскай прэм'ер-лігі.
Нагадаем, з 2007 па 2013 год Ганчарэнка ўзначальваў футбольны клуб БАТЭ. З ім каманда выходзіла ў групавы раунд Лігі чэмпіёнаў, у якім двойчы сыграла ўнічыю ў «Ювентусам» і «Зенітам». Пасля сыходу з БАТЭ Ганчарэнка працаваў у маскоўскім ЦСКА, «Уфе» і «Кубані».
Каментары