«Новая газета» запатрабавала распачаць крымінальную справу на Рамзана Кадырава
«Новая газета» запатрабавала ўзбудзіць крымінальную справу супраць кіраўніка Чачні Рамзана Кадырава, які назваў «тэрарыстамі» сябра прэзідэнцкай Рады па правах чалавека Ігара Каляпіна і журналістку «Новой газеты» Алену Мілашыну. Заява пададзеная на імя кіраўніка Следчага камітэта Аляксандра Бастрыкіна.
Гаворка ідзе пра пост Кадырава ў Тэлеграме, апублікаваным 24 студзеня, у якім кіраўнік Чачні піша пра Каляпіна і Мілашыну на фоне сітуацыі з выкраданнем жонкі федэральнага суддзі Зарэмы Мусаевай.
На думку Кадырава, Каляпін з Мілашынай — «памагатыя тэрарыстаў», якія «зарабляюць на тэме Чачэнскай Рэспублікі і чачэнцаў, распрацоўваючы сцэнарыі і нашэптваючы на вуха сваім персанажам тэксты і паводзіны».
У сувязі з гэтым «Новая газета» просіць распачаць крымінальную справу ў дачыненні да Кадырава па артыкуле аб узбуджэнні нянавісці або варожасці (пункт «а», ч. 2 арт. 282 КК, караецца штрафам да 600 тысяч расійскіх рублёў або пазбаўленнем волі на тэрмін да шасці гадоў).
Дзікая гісторыя ў Расіі: кадыраўцы вывезлі жонку суддзі
Беларусь падпісала план супрацоўніцтва з Чачнёй
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары