Зянковіч стаў супрацоўнічаць са следствам адразу пасля затрымання
З матэрыялаў справы вынікае, што хадайніцтва на імя намесніка генеральнага пракурора Зянковіч напісаў на самых першых этапах следства. На працэсе па справе «падрыхтоўкі дзяржперавароту» была аб'яўленая інфармацыя, што Юрась Зянковіч быў затрыманы 11 красавіка 2021 года, а затым напісаў хадайніцтва аб заключэнні пагаднення са следствам, дзе даў чыстасардэчнае прызнанне, заявіўшы, што абавязваецца дапамагаць у расследаванні і выкрыць усіх удзельнікаў злачынства, піша «Вясна».
Як вынікае з матэрыялаў крымінальнай справы, якія сёння зачытаў пракурор у судзе, на стадыі папярэдняга расследавання Зянковіч прызнаў сваю віну ў поўным аб'ёме.
Як сёння было абвешчана ў судзе, 6 кастрычніка 2021 года ад абвінавачанага Зянковіча паступіла хадайніцтва аб заключэнні пагаднення са следствам, у якім ён паказаў, што ў мэтах аказання садзейнічання гатовы супрацоўнічаць са следствам усімі даступнымі яму спосабамі, а таксама паведамляць усе вядомыя ім звесткі аб злачынстве. У ходзе судовых пасяджэнняў па справе аб спробе дзяржаўнага перавароту ён паказанняў яшчэ не даваў і не выказаў свайго стаўлення да абвінавачвання.
Зянковіч — адзіны з пяці абвінавачаных па гэтай справе, хто заключыў здзелку са следствам. Яшчэ на этапе папярэдняга следства ён прасіў змяніць яму меру стрымання і адпусціць з СІЗА, але яму было адмоўлена.
У адпаведнасці з беларускімі законамі, Зянковічу з улікам супрацоўніцтва са следствам не можа быць прызначанае пакаранне большае, чым палова максімальнага.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам25
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары