Google «здаў назад»: расіяне зноў здолеюць плаціць у праграмах
Google вырашыў выканаць патрабаванне расійскіх уладаў — для расіян зрабілі выключэнне і цяпер яны не мусяць плаціць унутры праграм праз сэрвісы, якія падтрымлівае Google.
Кампанія змяніла правілы ажно 2 жніўня, але стала вядома пра гэта толькі цяпер. У заяве Google напісана, што цяпер правілы выкарыстання аплатнай сістэмы Google Play не распаўсюджваюцца на тыя праграмы, якія прымаюць плацяжы ў расіян. То-бок цяпер яны могуць прымаць аплату праз староннія сэрвісы — большасць праблем з аплатай для расіян вырашаная.
«Калі ў вас праблемы з атрыманнем плацяжоў, мы рэкамендуем выкарыстоўваць альтэрнатыўны спосаб аплаты, напрыклад рахунак у іншым банку ці электронны кашалёк, на які можна адправіць плацеж», — удакладняе Google.
Пры гэтым, каб фармальна выконваць санкцыі, Google Play блакуе запампоўку афіцыйна платных праграм і абнаўленняў для іх у Расіі і Беларусі. Але ўнутранай аплаты гэта не тычыцца і цяпер, мяркуючы па ўсім, сэрвісы «Яндэкса» ці расійскія анлайн-кінатэатры будуць пачувацца свабоднымі ад санкцый, як і шараговыя расіяне.
Карпарацыя выканала патрабаванне Федэральнай антыманапольнай службы (ФАС), якая ў ліпені запатрабавала ў Google на працягу месяца даць расіянам іншыя метады аплаты. Калі б гэтага не адбылося, ФАС завяла б справу за парушэнне антыманапольнага заканадаўства. Нядаўна ФАС ужо аштрафаваў Google на 34 мільёны долараў за тое, што YouTube можа выдаляць акаўнты карыстальнікаў і быццам бы такім чынам «злоўжывае манапольным палажэннем» на рынку відэахостынгаў (відаць, за выдаленне акаўнтаў расійскіх прапагандыстаў).
Нагадаем, карыстальнікі айфонаў з Расіі заўжды маглі аплачваць пакупкі ў абыход санкцый — з дапамогай балансу мабільнага тэлефона.
Чытайце яшчэ:
Google-пошук уводзіць у падман і шкодзіць дэмакратыі. Тлумачым, як не даць сябе падмануць
За масквічамі сочаць адразу чатыры алгарытмы распазнавання асоб. Адзін з іх — скандальна вядомы беларускі
Многія VPN збіраюць даныя і могуць перадаць іх сілавікам. Расказваем, як ад гэтага абараніцца
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў16
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары