Пра гэта паведаміў аўтар ідэі Сяргей Будкін на сваёй старонцы ў фэйсбуку. Кніга прысвечана рэпрэсаваным беларускім літаратарам, якія былі растраляныя ў ноч з 29 на 30 кастрычніка 1937 года. Яна падрыхтаваная выдавецтвам Białoruska Biblioteka Kamunikat.
Прэзентацыі адбудуцца 29 кастрычніка ў Беластоку, у будынку тэатра лялек. 30 кастрычніка ў Варшаве, ў Музеі вольнай Беларусі. Час удакладняецца.
29 кастрычніка кніга будзе выкладзена таксама ў вольны доступ у электроннай версіі.
Кніга «Нерасстраляныя» — частка аднайменнага праекту парталу Tuzinfm.by, плёну пяцігадовай працы больш чым 70 чалавек. Яна была названая найлепшай кнігай 2021 года ў жанры нон-фікшн па версіі «Радыё Свабода», а сёлета атрымала прэмію імя Алеся Адамовіча.
Каментары