Гомельскіх прадпрымальнікаў прымушаюць працаваць пад пагрозай штрафаў
Частку гомельскіх іпэшнікаў прымусілі працаваць пад пагрозай штрафаў. Пра гэта са спасылкай на свае крыніцы піша тэлеграм-канал «МатолькаПамажы».
«Хто сёння не працаваў — патрапіць пад адміністрацыйны штраф. Калі толькі не было ўважлівай прычыны і не паведамілі за 5 дзён пра тое, што сёння працаваць не будзеце», — паведаміла крыніца.
Паведамляецца, што з іпэшнікамі сустрэлася мясцовая адміністрацыя.
«Іпэшнікі не ведаюць, як працаваць з цяперашнімі пастановамі, і невядома, ці будуць многія працаваць увогуле. Сядзім і чакаем. Прадпрымальнікі, іх сем'і і работнікі на мяжы беспрацоўя. Гэта сотні тысяч чалавек ва ўмовах кепскай эканомікі і цэнаў, кратных дзвюм і больш у параўнанні з лютым», — кажуць прадпрымальнікі.
27 кастрычніка частка індывідуальных прадпрымальнікаў у Баранавічах, Пінску, Віцебску, Маладзечне, Лідзе і іншых гарадах не выйшла на працу. Яны чакаюць дакладнага тлумачэння, як далей выкарыстоўваць механізм цэнаўтварэння. Да таго часу аднаўляць працу не хочуць.
Чытайце таксама:
«Замучылі праверкамі». Прадпрымальнікі спынілі працу ў 13 гарадах краіны
У Беларусі сёння зачыненыя крамы абутку «Мегатоп»
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
-
«Пазнаёмілася з турэцкім вайскоўцам праз інтэрнэт. Праз месяц разам сядзелі над асманска-беларускім слоўнікам Сокалава-Воюша»
-
«Сделано в Белоруссии». Сацсеткі ўзбудзіліся ад сыру загадкавага паходжання
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім32
Каментары