Былы кіраўнік «Маладога фронта», а цяпер баец-«каліновец» Дзяніс Урбановіч з пазыўным «Ваўкалак» зноў патрапіў у шпіталь з раненнямі. Пра гэта паведаміла прэс-служба палка Каліноўскага. Акрамя яго, у шпіталь патрапіла яшчэ некалькі байцоў палка.
Раненні байцы палка Каліноўскага атрымалі падчас выканання баявых задач на ўсходзе Украіны.
Паводле прэс-службы палка,
«байцоў эвакуявалі, ім была сваечасова аказана медыцынская дапамога. У даны момант жыццю хлопцаў нічога не пагражае. Ваяры знаходзяцца ў шпіталі».
Пры гэтым кантузіі атрымала і група эвакуацыі.
Дзяніс Урбановіч
Дзяніс Урбановіч трапляе ў шпіталь ужо трэці раз. Улетку яго кантузіла, а ў лістападзе ён атрымаў асколачнае раненне.
Каментары