«Трапіла куля проста ў грудзі і пайшла па целе». Дзяніс Урбановіч пра свой стан пасля трэцяга ранення
«Дактары кажуць, што ўсё загоіцца, толькі час трэба», — запэўнівае ваяр палка Каліноўскага. Яго параніла ў грудную клетку ў баі на ўсходзе Украіны.
«Трапіла куля проста ў грудзі і пайшла па целе, ды ўперлася ў рэбры. Дыхаць не вельмі добра, лёгкае пашкоджана», — кажа каліновец. Па яго словах, пашкоджаная дыяфрагма, грудная клетка і зламаныя дзве рабрыны.
«У лёгкіх застаецца кроў, цяпер ставяць дрэнаж», — дадае Дзяніс.
«Зрабілі аперацыю. Ну, дактары кажуць, што сурʼёзнага нічога, усё загоіцца, толькі час трэба», — адзначае ваяр палка Каліноўскага з пазыўным «Ваўкалак».
«Адчуваю сябе так больш-менш добра», — кажа Дзяніс Урбановіч.
Пра раненне кіраўніка «Маладога фронту» і яго саслужыўцаў паведаміла 5 студзеня прэс-служба палка Каліноўскага.
Дзяніс Урбановіч трапляе ў шпіталь ужо трэці раз. Улетку яго кантузіла, а ў лістападзе ён атрымаў асколачнае раненне.
Полк Каліноўскага працягвае бараніць Бахмут. Гэта самае гарачае месца фронту.
Камандзір каліноўцаў апублікаваў відэа з самага пекла — з Бахмута
Паранены каліновец Дзяніс Урбановіч пераведзены з рэанімацыі ў палату
«Дадому хочацца». Баец батальёна «Волат» Дзяніс Урбановіч расказаў, як ваюе пасля кантузіі
«Наша Нiва» — бастыён беларушчыны
ПАДТРЫМАЦЬЦяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія17
Каментары