Прэс-сакратарка Лукашэнкі Наталля Эйсмант распавяла падрабязнасці ягонай паездкі ў ААЭ, якая амаль не асвятлялася прапагандай.
Па словах Эйсмант, Лукашэнка ў Арабскіх Эміратах да візіту ў Зімбабвэ займаўся двума кірункамі: бяспекай і эканомікай.
Па эканамічнай частцы ён, па словах Эйсмант, сустракаўся з кіраўніцтвам інвестыцыйнага праекта «Паўночны бераг», каб «удакладніць нюансы».
Таксама прэс-сакратарка Лукашэнкі паведаміла, што той у ААЭ сустракаўся з расійскімі і беларускімі бізнэсменамі:
«Без якіх-небудзь канкрэтных тэм ці імёнаў, але скажу так: і з расійскімі бізнэсменамі правёў сустрэчу кіраўнік дзяржавы ў Аб'яднаных Арабскіх Эміратах, і нават з беларускімі бізнэсменамі, якія прасіліся на прыём. І вось гэтыя сустрэчы адбыліся менавіта там. На гэта [маўчанне ў афіцыйных СМІ — НН] таксама былі свае прычыны. І некаторых сустрэч нават не значылася першапачаткова ў графіку кіраўніка дзяржавы, але яны адбыліся», — сказала Эйсмант, удакладніўшы, што такой актыўнасці, як у ААЭ, у Лукашэнкі часам няма нават у Мінску.
З кім з бізнэсменаў сустракаўся беларускі палітык, невядома. Дзяржаўная прапаганда вельмі актыўна асвятляла ягоны візіт у Зімбабвэ, але падрабязнасці паездкі ў Арабскія Эміраты засталіся па-за ўвагай СМІ.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары
а вот это интересно. почему? ("такой актыўнасці, як у ААЭ, у Лукашэнкі часам няма нават у Мінску.")