2000 пажылых дам са Швейцарыі падалі ў ЕСПЧ скаргу на здароўе, клімат і ўрад
Еўрапейскі суд па правах чалавека ў сераду пачне разглядаць пазоў ад вялікай групы пажылых швейцарак, якія абвінавачваюць свой урад у тым, што ён недастаткова актыўна змагаецца са змяненнем клімату, і гэта парушае іх права на здароўе і нават на жыццё, піша Бі-бі-сі.
Пазоў у ЕСПЧ падала арганізацыя KlimaSeniorinnen («Пажылыя жанчыны за клімат»). У яе ўваходзіць больш за 2000 жыхарак Швейцарыі, чый сярэдні ўзрост — 73 гады.
У Швейцарыі клімат цяплее хутчэй, чым у сярэднім па планеце, і KlimaSeniorinnen сцвярджае, прыклаўшы да пазову медыцынскія карты жанчын, што частыя хвалі спёкі пагражаюць іх здароўю і нават жыццю. Таму арганізацыя просіць ЕСПЧ абавязаць улады Швейцарыі больш энергічна скарачаць выкіды парніковых газаў.
У Швейцарыі KlimaSeniorinnen за апошнія шэсць гадоў ужо прайграла суды ва ўсіх інстанцыях аж да Вярхоўнага суда.
Урад Швейцарыі мае намер даказваць у ЕСПЧ, што пазоў не падлягае разгляду, так як правы пазоўніц не парушаныя ў дастатковай меры, каб звяртацца ў суд. Урад не адмаўляе, што змены клімату могуць уплываць на здароўе, але, згодна з яго аргументацыяй, у гэтым пытанні нельга вылучаць уплыў клімату менавіта на здароўе пажылых жанчын.
Калі Вялікая палата ЕСПЧ у сераду вырашыць прыняць пазоў да разгляду, і тым больш калі KlimaSeniorinnen у выніку выйграе, гэта можа стаць сур'ёзным прэцэдэнтам для ўсіх 46 дзяржаў, якія прызнаюць ЕСПЧ. Абаронцы клімату атрымаюць сігнал, што на ўлады можна спрабаваць ціснуць, акрамя іншага, і па юрыдычнай лініі абароны правоў чалавека.
Змяненне клімату — павышэнне сярэдняй тэмпературы атмасферы — ужо цяпер адчувальна ўплывае на жыццё людзей і ўсёй астатняй біясферы.
Навукоўцы лічаць, што для таго, каб пазбегнуць катастрафічных наступстваў, чалавецтву трэба стрымаць павышэнне сярэдняй тэмпературы ў межах 1,5 градуса Цэльсія да 2100 года.
Калі гэтага не атрымаецца зрабіць, то, напрыклад, Еўропе, па прагнозах экспертаў ААН, пагражаюць і небывалыя залевы з вялікімі паводкамі, і хвалі задушлівай спякоты з ляснымі пажарамі.
Чытайце яшчэ:
Не зафіксавана ні аднаго выпадку, каб чалавека вылечылі: хвароба Альцгеймера
Тры метады перамагчы інфармацыйную перагрузку ў свеце, поўным рэкламы і шкоднай інфармацыі
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка11
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары