Свет1010

«Я ацаніў яго жарт». Перапалка Такаева і Лукашэнкі працягваецца

Прэзідэнт Касым-Жамарт Такаеў заяўляе, што ў Казахстана няма неабходнасці ўступаць у Саюзную дзяржаву і ядзерная зброя яго краіне таксама не патрэбная. Так ён адказаў Аляксандру Лукашэнку.

Касым-Жамарт Такаеў. Фота: LyazaTretyakova / depositphotos.com

Прэзідэнт Касым-Жамарт Такаеў адказаў Лукашэнку, які прапанаваў Казахстану і іншым краінам, што хочуць мець ядзерную зброю, уступіць у Саюзную дзяржаву.

«Я як след ацаніў яго жарт. Я думаю, што неабходнасці ў гэтым няма, паколькі існуюць і іншыя інтэграцыйныя абʼяднанні, перш за ўсё Еўразійскі эканамічны саюз.

Што тычыцца ядзернай зброі, то яна нам не патрэбная, паколькі мы далучыліся да Дамовы аб нераспаўсюджанні ядзернай зброі і Дамовы аб забароне выпрабаванняў ядзернай зброі. Мы застаёмся вернымі абавязацельствам у рамках гэтых міжнародных дакументаў», — сказаў ён.

Прэзідэнт Казахстана Касым-Жамарт Такаеў назваў праблемаю ступень інтэграцыі паміж Беларуссю і Расіяй і астатнімі краінамі ЕАЭС.

На Еўразійскім эканамічным форуме 24 мая ён адзначыў, што гэта пытанне трэба абмяркоўваць. «У нас ёсць у Еўразійскім эканамічным саюзе Саюзная дзяржава. Гэта значыць, у сусветнай палітычнай гісторыі створаны ўнікальны прэцэдэнт або феномен, як хочаце. Стварэнне дзяржавы па формуле «дзве краіны — адна дзяржава» з адзінай палітычнай, юрыдычнай, вайсковай, эканамічнай, валютнай, культурнай, гуманітарнай прасторай, з адзіным саюзным урадам, з адзіным саюзным парламентам. Ну, я прашу прабачэння, і нават ядзерная зброя адна на дваіх цяпер», — сказаў ён. 

Аляксандр Лукашэнка пабачыў у словах Такаева іншае. Ён заявіў, што той, хто хоча ядзерную зброю, хай уступае ў саюз Расіі і Беларусі.

«У саюз Беларусі з Расіяй трэба ўступаць і ўсё: будзе ядзерная зброя на ўсіх», — заявіў Лукашэнка.

Каментары10

  • Петро
    29.05.2023
    Ну вот. А Саша ядреными бонбами поделиться хотел.
    Саша туповат. Он еще не понял, что против ДРГ ядерные бонбы, это как по комарам стулом бить.
    Самое смешное что Россия это тоже еще не поняла
  • Паляшук
    29.05.2023
    Фармальна ён правы, але змест заявы Такаева пра існаванне "культурнай, моўнай, рэлігійнай ідэнтычнасці" беларусаў з расейцамі, то бок існаванне аднаго народа, - гэта цалкам абразліва і памылкова. Такаеў стаў на адну дошку з крамлёўскімі прапагандонамі, розніцы не бачу абсалютна. Аднак, такія гульні на ідэалагічнай прасторы рф не ўратуюць Паўночны Казахстан ад прэтэнзій рф. Бо калі "адзін народ" у Беларусі - гэта міф з-за русіфікацыі, то ў Пн. Казахстане сапраўды жыве ідэнтычнае з расейцамі насельніцтва. Падтакванне акупантам Беларусі вылезе бокам.
  • Ёсік
    29.05.2023
    Як быццам ЯЗ ёсьць у лукашэнкі. Такі блазан-размеркавальнік - хадзіце да пуціна, а я дам вам ЯЗ.

Цяпер чытаюць

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ11

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

Усе навіны →
Усе навіны

Што хаваецца за бананавай індустрыяй Коста-Рыкі. У Еўропу трапляюць «чыстыя» бананы, але хто расплачваецца за гэта?13

Каля станцыі метро «Пушкінская» здарылася масавая аварыя4

Ціханоўская пра прапагандысцкі фільм БТ: Мы ніколі не будзем рызыкаваць людзьмі25

У Мінскай вобласці — выбух атручванняў сурагатным алкаголем. У гэтым годзе ўжо 4 чалавекі загінулі ад яго1

ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа3

Пуцін назваў умову, калі Расія не будзе прэтэндаваць на Адэсу і іншыя ўкраінскія гарады29

Пракапеня прадаў крыптабіржу Currency з беларускімі каранямі інвестарам3

Аляксей Протас устанавіў беларускі рэкорд па балах у НХЛ

Зяленскі: Пуцін адкінуў прапанову спынення агню і атакаваў цывільную інфраструктуру6

больш чытаных навін
больш лайканых навін

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ11

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

Галоўнае
Усе навіны →

Заўвага:

 

 

 

 

Закрыць Паведаміць