Кваліфікацыйная камісія па пытаннях адвакацкай дзейнасці пазбавіла ліцэнзій чатырох адвакатаў, а яшчэ чатыром абвясціла аб няпоўнай адпаведнасці па выніках пазачарговай атэстацыі.
Ліцэнзій пазбавілі Аляксандра Уласевіча і Святлану Якушаву з Віцебскай абласной калегіі адвакатаў, а таксама раней выключаных з Мінскай абласной калегіі адвакатаў Юрыя Козікава і Арцёма Сям'янава. Прычыны забарону на прафесію — «здзяйсненне імі правін, не сумяшчальных са званнем адваката». У практыцы лукашэнкаўскай Беларусі гэта амаль заўсёды азначае спробу абараніць абвінавачаных па палітычных артыкулах.
Юрый Козікаў абараняў Максіма Знака і экс-следчага Яўгена Юшкевіча. Ён, дарэчы, муж Ірыны Козікавай, сястры палітзняволенага Максіма Знака. Арцём Сям'янаў — адвакат Валянціна Стэфановіча, Таццяны Кузінай, Ігара Лосіка, Паўла Белавуса. Абодвух юрыстаў затрымлівалі ў сакавіку, калі ўлады зладзілі на адвакатаў сапраўдную аблаву, яны адсядзелі суткі.
Адвакатам Гродзенскай абласной калегіі Святлане Басалай, Святлане Бірылавай, Вячаславу Сапрыку і Аксане Шупіцкай абвясцілі аб няпоўнай адпаведнасці з адтэрміноўкай атэстацыі на шэсць месяцаў пры ўмове праходжання павышэння кваліфікацыі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары