Гаворка пра 50%-ю долю ў кампаніі «Экатэхнік вялікая Дабрань», якая займаецца вытворчасцю сонечнай энергіі. Як стала вядома Office Life, актыў перайшоў да новых уладальнікаў яшчэ ў пачатку гэтага года.
Долю ў 50% кампаніі, якая эксплуатуе дзве фотаэлектрычныя станцыі ў Закарпацкай і Валынскай абласцях (сукупная вызначаная магутнасць — 27,58 МВт), беларускі бізнэсмен Аляксандр Машэнскі набыў у 2020 годзе праз кіпрскую фірму Newride Services. Па выніках 2020-га яна ўвайшла ў топ-25 найбуйнейшых украінскіх бізнэсаў па выпрацаванай сонечнай энергіі.
Аднак ужо па выніках 2022 года праз санкцыі і ваенныя дзеянні кампанія панесла страты.
Яшчэ ў сярэдзіне 2022-га Машэнскі перадаў кантроль у Newride сваёй дачцэ Яне, якая пражывае ў Лондане. А тая ў пачатку 2023-га знайшла новага ўладальніка на актыў — брытанскую кампанію Max Credit Investment. Яе заснавальнікі — ісландскія інвестары на чале з Карлам Кандрасанам. Машэнскі вядзе буйны бізнэс з Ісландыяй, ён таксама яе ганаровы консул у Беларусі.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары