Свет22

Мінабароны Расіі паказала першае відэа з Герасімавым пасля бунту Прыгожына

Міністэрства абароны Расіі сёння паказала відэа з начальнікам Генштаба і камандуючым Аб'яднанай групоўкай войскаў у зоне баявых дзеянняў на тэрыторыі Украіны Валерыем Герасімавым. Гэта першае з'яўленне генерала на публіцы пасля бунту ПВК «Вагнер» 23-24 чэрвеня і паведамленняў аб адхіленні Герасімава, якія з'явіліся ў медыя напярэдадні.

Валерый Герасімаў. Скрыншот відэа

Сцвярджаецца, што нарада прайшла пасля спроб УСУ ударыць ракетамі С-200 па аб'ектах у анексаваным Крыме, Растоўскай і Калужскай абласцях 9 ліпеня, піша Руская служба «Радыё Свабода».

На відэа, апублікаваным Мінабароны, Герасімаў заслухаў даклад начальніка Галоўнага штаба ПКС Віктара Афзалава.

Пры гэтым у кадры адсутнічаў галоўнакамандуючы ПКС Сяргей Суравікін. Генерал таксама не сядзеў у прэзідыуме разам з Герасімавым, хоць з'яўляецца ягоным намеснікам у кіраўніцтве групоўкай расійскіх войскаў ва Украіне.

Пасля няўдалага бунту кіраўніка ПВК «Вагнер» Яўгена Прыгожына распаўсюджваюцца розныя чуткі пра месцазнаходжанне Суравікіна, у прыватнасці, што ён мог быць арыштаваны. Паводле іншых звестак, яго дапыталі і адпусцілі. Афіцыйна пра лёс намесніка камандуючага групоўкай расійскіх войскаў ва Украіне не паведамлялася.

Напярэдадні брытанская газета Daily Mail, спасылаючыся на свае крыніцы ў Расіі, пісала, што Герасімаў адхілены ад сваіх абавязкаў. Паводле версіі выдання, пасля бунту Яўгена Прыгожына і вяртання вызваленых з расійскага палону камандзіраў палка «Азоў» з Турцыі ва Украіну Герасімава нібыта замяніў камандуючы ПДВ генерал-палкоўнік Міхаіл Цяплінскі.

23 чэрвеня стваральнік ПВК «Вагнер» Яўген Прыгожын паведаміў пра нібыта нанесеныя па тылах «Вагнера» ракетныя ўдары з боку рэгулярнага войска Расіі. Пасля гэтага ён абвясціў, што 25 тысяч байцоў «Вагнера» адпраўляюцца ва ўзброены паход на Маскву, каб прыцягнуць да адказнасці кіраўніцтва Міністэрства абароны Расіі, а канкрэтна міністра абароны Сяргея Шайгу і кіраўніка Генштаба Валерыя Герасімава. The Wall Street Journal са спасылкай на крыніцы ў выведцы заходніх краін паведамляла, што Прыгожын падчас бунту планаваў захапіць Шайгу і Герасімава.

Каментары2

  • Mafkees
    10.07.2023
    Когда руских уверенно бьют в ответ, то у них начинается ступор и шок. Как же так, переделали с-200 и лупят по ним? А вот так,уроды, вы вы походу еще не поняли куда вы попали.
  • Евгений Викторович
    10.07.2023
    Ты лучше скажи-где боеприпасы?

Цяпер чытаюць

У Асіповічах імкліва разбудоўваюць інфраструктуру. Імаверна, для расійскай ядзернай зброі2

У Асіповічах імкліва разбудоўваюць інфраструктуру. Імаверна, для расійскай ядзернай зброі

Усе навіны →
Усе навіны

Вольга Няфёдава прызнала, што Купалаўскі тэатр дагэтуль не змог аднавіцца5

УСУ вызвалілі сяло на Луганшчыне. Аперацыя трывала 30 гадзін2

«Па адчуваннях, хварэюць усе»: педыятр пра сітуацыю з грыпам у Беларусі2

На тэрыторыі Брэсцкай крэпасці з'явілася футбольнае поле ФОТАФАКТ

«За лайкі супраць Расіі». Шматдзетная ўкраінка хацела пераехаць у Беларусь, але яе не ўпусцілі пасля агляду тэлефона15

Сі-Эн-Эн назвала Лукашэнку strongman. «Пул першага» не ведае значэння гэтага слова па-англійску і радасна перапосціў23

У Варшаве прайшоў марш у гонар Дня Волі ФОТА37

Васілеўская пахвалілася, што ў «Белавіі» з'яўляюцца новыя рэйсы, бо з ёй на арбіце быў пластыкавы самалёцік5

Мытнікі расказалі, як увозіць у краіну насенне і кветкі

больш чытаных навін
больш лайканых навін

У Асіповічах імкліва разбудоўваюць інфраструктуру. Імаверна, для расійскай ядзернай зброі2

У Асіповічах імкліва разбудоўваюць інфраструктуру. Імаверна, для расійскай ядзернай зброі

Галоўнае
Усе навіны →

Заўвага:

 

 

 

 

Закрыць Паведаміць