Не менш за 30 чалавек загінулі і больш за 80 атрымалі раненні ў выніку сходу з рэек вагонаў цягніка Hazara Express у пакістанскай правінцыі Сінд, паведамляе тэлеканал Geo.
Паводле папярэдняй інфармацыі, з рэек сышлі ад 5 да 10 вагонаў цягніка, паліцыя пакуль не паведаміла, у чым была прычына крушэння.
У выніку аварыі спынены рух цягнікоў у правінцыі Сінд. Чыгуначныя ўлады заявілі, што аднаўленчыя работы могуць заняць да 18 гадзін.
Галоўны міністр правінцыі Сінд Мурад Алі Шах выказаў шкадаванне ў сувязі з гібеллю людзей у выніку інцыдэнту і даручыў аказаць пацярпелым неадкладную медыцынскую дапамогу.
Пакістанская армія і рэйнджары пачалі неадкладна аказваць дапамогу на месцы аварыі, да месца здарэння выкліканыя дадатковыя сілы. Таксама паведамляецца, што для выратавальных работ былі адпраўленыя верталёты армейскай авіяцыі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары