На востраве Сіцылія ў Італіі затрымалі 23-гадовага беларуса, які спачатку затрымліваў адыход цягніка, а затым адмовіўся яго пакідаць і аказаў супраціў чыгуначнікам і вартавым парадку. Пра гэта паведамляе сайт «Беларусь і свет» на падставе інфармацыі мясцовай паліцыі.
Наш суайчыннік, выпраўляючыся ў дарогу на станцыі ў горадзе Катанія, спачатку перашкаджаў адпраўленню цягніка, стаўшы паміж дзвярыма, каб дачакацца прыбыцця іншага пасажыра. Гэтым ён затрымаў састаў прыкладна на 17 хвілін, а сунялі яго толькі мясцовыя праваахоўнікі.
Пазней, прыехаўшы на канцавую станцыю ў горадзе Месіна, мужчына з незразумелых прычын адмовіўся выходзіць з вагона, нягледзячы на ўгаворы членаў цягніковай брыгады. Сярод іншага ён не згаджаўся паведамляць свае асабістыя звесткі, пагражаў і моцна ўдарыў па руцэ начальніка цягніка.
Паліцэйскі патруль, прыбыўшы на месца, устанавіў асобу пасажыра, хоць той і ў такіх абставінах не хацеў назвацца, працягваючы паводзіць сябе агрэсіўна. Затым беларуса затрымалі: гэта было цяжка, бо ў працэсе чацвёра праваахоўнікаў атрымалі траўмы.
Пры ператрусе ў мужчыны знайшлі амаль тры грамы марыхуаны. Судовыя органы пакуль ужылі ў дачыненні да яго меру абавязковай штодзённай яўкі ў паліцэйскі пастарунак.
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны16
Каментары
Мог бы ва Украіне дапамагаць беларусам раскідываць маскавітаў, а тут энергія не туды, спадзеюся што ен будзе разумнейшым.
https://dck8xvlq18iei.cloudfront.net/325473"