Свет44

ЗША застаюцца без пандаў. Кітай забірае ўсіх назад

Гіганцкія панды жылі ў ЗША з часоў нармалізацыі адносін пасля гістарычнага візіту прэзідэнта Рычарда Ніксана ў Кітай у 1972 годзе.

Фота: Сhristophe Boisvieux / Getty Images

Усе панды з амерыканскіх заапаркаў адпраўляюцца дадому ў Кітай, і ЗША рызыкуюць ужо ў наступным годзе аказацца зусім без гіганцкай панды з-за напружаных адносін паміж дзвюма вядучымі дзяржавамі планеты, піша Бі-бі-сі.

Вашынгтонскі заапарк развітваецца з мядзведзямі Мэй Сян, Цянь Цянь і іх сынком Сяа Ці Цзі. Гіганцкім пандам зладзілі «гіганцкія праводзіны». Фестываль будзе працягвацца дзевяць дзён, а ў снежні жывёлы адправяцца дадому ў Кітай.

У Кітая манаполія на пандаў, і ён не прадае іх, а аддае ў арэнду, часцяком за сотні тысяч даляраў за год. Прадаўжаць дамовы з амерыканскімі заапаркамі Кітай пакуль не хоча, і эксперты бачаць у гэтым чарговы эпізод «панда-дыпламатыі».

Гіганцкія панды гасцявалі ў ЗША з часоў нармалізацыі адносін пасля гістарычнага візіту прэзідэнта Рычарда Ніксана ў Кітай у 1972 годзе.

Кітай традыцыйна адпраўляў мядзведзяў у заапаркі дружалюбных краін у якасці заахвочвання або падзякі. СССР атрымаў самца Пінь-Пінь у 1957 годзе за тое, што першым прызнаў камуністычны Кітай.

У Амерыцы панды засталіся яшчэ ў Атланце і Сан-Дыега, але і ў іх ужо ёсць зваротныя квіткі.

З заапарка Мемфіса Кітай адклікаў дзвюх пандаў са скандалам у пачатку гэтага года. Самец Лэ Лэ памёр — стала дрэнна з сэрцам, а яго сяброўка Я Я злёгку аблезла, і кітайцы западозрылі дрэннае стаўленне да жывёл.

Ветэрынары абедзвюх краін пацвердзілі, што з Я Я ўсё ў парадку, але асадак застаўся.

Абодва бакі адмаўляюць палітычную падаплёку вяртання пандаў з Амерыкі ў Кітай. Некаторыя ў гэта не вераць.

«Той факт, што ўсе панды з'едуць з ЗША ў Кітай да канца наступнага года, мае пэўнае значэнне», — цытуе агенцтва Bloomberg аўтара кнігі аб кітайскай «панда-дыпламатыі» і прафесара Каліфарнійскага Saint Mary's College Алену Сонгстэр.

«Кітайцы дзейнічаюць паводле плана. Яны ведаюць, што робяць»

Магчыма, яны яшчэ перадумаюць. Крыніцы Bloomberg у Белым доме кажуць, што пытанне аб пандах будзе падымацца ў перамовах з кітайцамі ў найбліжэйшы час.

Не выключана, што панды будуць згаданыя на сустрэчы прэзідэнта Джо Байдэна з кітайскім старшынёй Сі Цзіньпінам, калі ён прыедзе ў сярэдзіне лістапада ў Сан-Францыска на саміт АТЭС.

Чытайце таксама:

У Ганконгу памерла самая старая ў свеце панда

Мінскі заапарк просіць падзяліцца ўраджаем

«Нікуды не сыходзіць і чакае гаспадара». У Слоніме выкінулі на сметніцу пародзістага ката

Каментары4

  • Бобр
    29.09.2023
    Джеки Чан только оставте
  • Žvir
    29.09.2023
    Śmiešnyja. :) Jaduć adzin bambuk ? Viehany ? A takija toŭścieņkija, hładkija... Jak im heta ŭdajecca ? :)
  • Рэальнасьць
    30.09.2023
    Дональд ужо на падыходзе, Дональд ужо на падыходзе ў турму.

Цяпер чытаюць

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Усе навіны →
Усе навіны

Ізраільская ракета ўдарыла па рэзідэнцыі Вярхоўнага лідара Ірана Алі Сееда Хаменеі3

Падчас ізраільскай атакі на Іран забілі камандзіра спецпадраздзялення «Кудс»1

Нетаньяху ўвёў Іран у зман з дапамогай вяселля, а Трамп — сваімі заявамі8

Ізраіль пачаў новую хвалю ўдараў па Іране12

Трамп: Незразумела, ці засталася ў Ірана ядзерная праграма3

«Раней быў смачнейшы». У тыктоку абмеркавалі мінулае і сучаснасць квасу з жоўтай бочкі6

У Мінску з'явіліся «чыстаматы». Што гэта такое і як яны працуюць?10

«Я ўжо аднойчы ўцякаў ад дыктатуры». У ЗША сына беларускага палітычнага ўцекача хочуць дэпартаваць па новай схеме Трампа31

Беларускія айцішнікі з'язджаюць з Літвы? Як змяняецца колькасць беларусаў у Літве па тыпах ДНЖ12

больш чытаных навін
больш лайканых навін

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Галоўнае
Усе навіны →

Заўвага:

 

 

 

 

Закрыць Паведаміць