Рэцэпт мінскай шасцікласніцы ўвайшоў у меню сталічных школ у новай чвэрці
У канцы мінулага навучальнага года ў сярэдняй школе № 26 вырашылі правесці конкурс відэарэцэптаў для школьнай сталовай «Смачна для ўсіх». Такім чынам ва ўстанове хацелі звярнуць увагу дзяцей на важнасць рэгулярнага здаровага харчавання.
Школьнікі прапаноўвалі свае распрацоўкі — аўтарскія рэцэпты. Камусьці дапамагалі бацькі. Галоўнай умовай стала карыснасць прадуктаў, а таксама, каб страву можна было выкарыстоўваць у дзіцячым харчаванні, пішуць Мінск-навіны.
Што прапаноўвалі ўключыць у школьнае меню самі вучні? Шматкі кукурузныя з малаком, блінцы з вяндлінай і сырам, салату з мандарынамі, спагецці з курыцай у белым соусе і нават панкейкі.
Але перамог рэцэпт шасцікласніцы Дыяны Каменевай.
— Ні для каго не сакрэт, што любімая страва ўсіх дзяцей — нагетсы, — распавяла Дыяна. — Быццам бы не зусім здаровая ежа, але я прапаную гатаваць іх не ў фрыцюры, а ў духоўцы.
Для нагетсаў спатрэбяцца філе, яйка, соль, папрыка, кропелька алею і паніровачныя сухары.
— Камбінат школьнага харчавання абвясціў, што гэта страва ўвайшла ў меню школьных сталовых у другой чвэрці. Мы нават не чакалі, — заўважыла намеснік дырэктара школы Таццяна Вярэціна. — Вядома, дзеці шчаслівыя, што могуць паўплываць на разнастайнасць страў. Для іх важна, каб меню змянялася, з'яўляліся навінкі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары