Заснавальнік Facebook будуе постапакаліптычны бункер коштам 270 мільёнаў даляраў.
Выданне Wired у сваім расследаванні паведамляе, што Марк Цукерберг і яго жонка Прысцыла Чанг у рэжыме сакрэтнасці будуюць жылы комплекс «Суднага дня» на гавайскай выспе Каўі.
Будаўнічая кампанія і ўсе яе супрацоўнікі падпісалі строгую дамову аб невыдаванні ўмоў і дэталяў будучай будоўлі. На дадзены момант маёнтак абнесены сцяной вышынёй 1,8 метра.
«Першае правіла байцоўскага клуба: не згадваць пра байцоўскі клуб», — распавёў выданню будаўнік па імені Дэвід.
Па даных Wired, усяго будзе ўзведзена каля 10 будынкаў, а праект стане адной з самых дарагіх асабістых будоўляў у сучаснай гісторыі. У галоўным памяшканні не менш за 30 спальняў і ванных пакояў.
У іншых памяшканнях будуць офісы, ліфты, канферэнц-залы. Там жа будуць басейны, спартзалы і нават вялізнае футбольнае поле. Усе будынкі павінны быць злучаны падземным калідорам, што ідзе ў бункер.
Паведамляецца, што па праекце таксама пабудуюць 11 дамоў на дрэвах, звязаных вяровачнымі мастамі, каб гасцям не даводзілася дакранацца да зямлі пры пераходах паміж канструкцыямі.
Бо падлога — стане лавай.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары