Грамадства5858

Лявончыку закідаюць, што яго цесць працуе на Лукашэнку. Лявончык: Мы не камунікуем шмат гадоў

У сацсетках абмяркоўваюць укід, звязаны з сузаснавальнікам ініцыятывы By_help Аляксеем Лявончыкам. У віну яму ставяць тое, што яго цесць працуе ў Кіраўніцтве спраў Лукашэнкі.

Аляксей Лявончык. Фота: фэйсбук Лявончыка

Тэлеграм-канал «Аб'яднаны штаб супраціву» апублікаваў звесткі з базаў інфармацыі, паводле якіх цесць Лявончыка Сяргей Баклагін працаваў у Радзе бяспекі — намеснікам начальніка аддзела Дзяржаўнага сакратарыята. А апошнія гады быў у Кіраўніцтве спраў Лукашэнкі, там ён начальнік упраўлення дакументацыйнага забеспячэння і кантролю выканання даручэнняў.

Пры гэтым Баклагін — не родны бацька жонкі Лявончыка, а айчым.

Інфармацыю хутка падхапілі Дзмітрый Балкунец, Сяргей Бульба і іншыя.

Аляксей Лявончык расказаў «Нашай Ніве», што з цесцем не камунікуе гадоў восем.

«Акурат праз розніцу ў пазіцыях, — патлумачыў ён. — Мы ў прынцыпе мала камунікавалі. А потым праз пару год яно само сышло на нішто. Мы не былі ў кантакце як мінімум года з 2015-га».

«Аб'яднаны штаб супраціву» (АШС) заявіў пра сябе ў жніўні 2022 года. На меркаванне «Байпола», за тэлеграм-каналам АШС стаіць Андрэй Абозаў, які цяпер жыве ў Эстоніі. Раней «Нашай Ніве» паведамляла гэтую ж інфармацыю яшчэ адна крыніца.

Андрэй Абозаў некалі быў актывістам супольнасці беларусаў «Трэці шлях» і адным са стваральнікаў «Мультклуба», групы, якая рабіла сатырычныя мультфільмы пра Лукашэнку. У 2005-м на яго завялі крымінальную справу за абразу Лукашэнкі, але Андрэй здолеў выехаць з Беларусі. У 2007-м ён ехаў на цягніку з Украіны ў Эстонію праз Расію і быў затрыманы. Пры заступніцтве свайго знаёмага, палітолага Андрэя Суздальцава, усё ж даехаў да Эстоніі. З таго часу жыве там.

Каментары58

  • Цікава
    26.12.2023
    Першым гэты ўкід зрабіў менавіта Сяргей Бульба на канале ТВ6 Беларусь. Бульба сказаў, што ў яго ёсць нейкі знаёмы ў вярхушцы лукашэнкаўскай улады, з якім ён рэгулярна стасуецца. Хто ён?
  • Шмат пытанняў
    26.12.2023
    Хто такія Аб'яднаны штаб супраціву» (АШС), чаму яны пішуць на рускай мове, чаму іх цытуе выпускнік МГІМО Цапкала і сталы ўдзельнік перадач Скабеевай Балкунец і чаму іх цытуе і робіць заказныя пасты і відэа і так званы "незалежны блогер" Віталь Кандраценка, які сябруе з Аленай Васільевай, якая вядзе канал Менавіта онлайн, на якім яна раздзьмувае хейт паміж украінцамі і беларусамі і літоўцамі і беларусамі, раздзьмуваючы на пустым месцы тэму "ліцьвінізма" з расейскім прапагандыстам Айдэрам Муждабаевым і літоўскім кдбшнікам Імантасам Мелянасам?
    Што іх усіх звязвае?
  • Сувязі
    26.12.2023
    Суздальцаў - знаёмы Абозава (ОШС), Цапкала (МГІМО) і Балкунец цесна знаёмыя з Суздальцавым. Суздальцаў гэта Вышэйшая школа эканомікі (намеснік дэкана ВШЭ), Балкунец скончыў аспірантуру ВШЭ.
    Бульба з імі ў якіх кантактах?

Цяпер чытаюць

Лукашэнка нацыяналізаваў «Амкадор». Шакуцін стаў простым беларускім пенсіянерам6

Лукашэнка нацыяналізаваў «Амкадор». Шакуцін стаў простым беларускім пенсіянерам

Усе навіны →
Усе навіны

«Няскоранае пакаленне». Выйшла кніга аб рэпрэсаваных студэнтах4

Чыноўніца Гомельскага аблвыканкама ў размове з блогерам прызналася ў палітычных чыстках2

«А мяне за што?» І купцы са Смаленска, якія нахабна збіваюць кошт дзедавай хаты — страшная кніга пра наступствы5

«Культура і мастацтва» правяла на пенсію галоўную рэдактарку. Ні слова па-беларуску16

У Іспаніі знайшлі фрагменты костак самага старажытнага з вядомых у Заходняй Еўропе людзей1

Звольнілі дырэктара Белдзяржфілармоніі1

Памёр Генадзь Забара

Расія не мае шанцаў у сутыкненні з Еўропай. Але з дзвюма ўмовамі19

Данатэла Версачэ сыходзіць з пасады крэатыўнай дырэктаркі Versace пасля 28 гадоў працы

больш чытаных навін
больш лайканых навін

Лукашэнка нацыяналізаваў «Амкадор». Шакуцін стаў простым беларускім пенсіянерам6

Лукашэнка нацыяналізаваў «Амкадор». Шакуцін стаў простым беларускім пенсіянерам

Галоўнае
Усе навіны →

Заўвага:

 

 

 

 

Закрыць Паведаміць