Ніхто не верыць, што гэтаму фіналісту чэмпіянату свету па дартсе толькі 16 гадоў ФОТА
Галоўнай сенсацыі чэмпіянату свету па дартсе Люку Літлеру 16 гадоў, але ён выглядае нашмат старэйшым.

Люк Літлер (Luke Littler) стаў сенсацыяй чэмпіянату свету па дартсе. У свае 16 гадоў ён дайшоў да фіналу, у якім, праўда, прайграў 28-гадоваму Люку Хамфрысу (Luke Humphries).
Зірніце на здымак. Ці паверыце вы, што паміж гэтымі хлопцамі больш за 10 гадоў розніцы? Яны выглядаюць як мінімум равеснікамі. Ніхто не верыць, што Люку Літлеру ўсяго 16 гадоў.

Пытанне аб узросце задавалі спартсмену, і яму даводзілася апраўдвацца, што яму сапраўды шаснаццаць. А барада, па яго словах, пачала расці некалькі гадоў таму.
У інтэрнэце распаўсюдзілі нават сертыфікат аб нараджэнні Літлера са шпіталя ў Уорынгтоне — горадзе ў графстве Чэшыр. Згодна з ім, Люк нарадзіўся 21 студзеня 2007 года. Праз некалькі тыдняў яму будзе 17 гадоў.

Як заяўляе сам Люк, дартсам ён пачаў займацца яшчэ ва ўзросце двух гадоў. І гэтаму ёсць відэадоказы.
Вырашальны матч Люк Літлер прайграў. На гэта паўплывала і яго нявопытнасць. Але ў яго ёсць яшчэ як мінімум гадоў 40 на тое, каб заставацца ў гульні.
Чытайце яшчэ:
Паміж пажадаю і агідаю: валасы на целе ў розных культурах і эпохах
«Бывае, што мяне прымаюць за бамжа». Журналісты адшукалі піяніста, які стаў гарадской легендай
Каментары