«Перадайце, што ў нас так не паркуюцца». У сацсетках абураныя паркоўкай «Гелендвагена» на блатных нумарах
У сацыяльных сетках выклікаў рэзананс учынак кіроўцы пазадарожніка «Гелендваген», які прыпаркаваўся ў Мінску проста на ходніку каля ганка «Акадэмкнігі» ля станцыі метро «Акадэмія навук».
«Паважаныя казахі, хто гасцюе ў Мінску, перадайце, калі ласка, што ў нас так не паркуюцца», — так падпісала сваё фота карыстальніца Threads з нікам glitchofthegalaxy. На здымку — «Гелендваген» з прыгожымі казахстанскімі нумарамі, які прыпаркаваны проста на тратуары.
Мінчукі адзначаюць, што ніколі такога не бачылі, што выпадкова заехаць туды немагчыма: для гэтага кіроўцу давялося мэтанакіравана збочыць з праезнай часткі і перасячы ходнік проста па пешаходным пераходзе.
Паводле слоў відавочцаў, за рулём элітнага пазадарожніка знаходзілася жанчына, якая пасля прыпынення працягнула рух далей па пешаходнай зоне.
Публікацыя сабрала шмат абурэння. Але знайшлося крыху месца для іроніі.
Каментатары жартавалі, што кіроўцы можна прабачыць, бо яна прыехала па кнігі. «Прыехалі купіць кнігу «Правілы знаходжання ў Мінску», — пажартаваў нехта. Некаторыя выказалі здагадку, што гэта бібліятэкарка па абмене вопытам.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову5
Каментары
Другая: " Ой, ну не, у нас жа цывілізаваныя людзі, і я ж не горшы за іншых..."
Часам самыя церпім праз уласны такі вось правільны вобраз.