У польскім Любліне знялі з ратушы ўкраінскі сцяг праз рашэнне Зяленскага наконт «падраздзялення УПА»
Гарадскія ўлады прыбралі ўкраінскі сцяг з будынка ратушы, які быў вывешаны там яшчэ ў 2022 годзе ў знак салідарнасці, паведамляе РБК-Украіна.
Прычынай стаў указ прэзідэнта Украіны Уладзіміра Зяленскага аб прысваенні падраздзяленню Сіл спецыяльных аперацый «Поўнач» ганаровага наймення «імя Герояў УПА». Указ выклікаў рэзкую рэакцыю ў Польшчы — ад Міністэрства замежных спраў да прэзідэнта Наўроцкага.
Ратуша Любліна распаўсюдзіла заяву, у якой адзначаецца, што горад далучыўся да іншых польскіх гарадоў. Гарадскія ўлады падзяляюць крытычную пазіцыю польскага МЗС і пасольства Польшчы ў Кіеве адносна рашэння Зяленскага.
«Услаўленне фарміраванняў, адказных за злачынствы супраць мірнага насельніцтва, наносіць боль памяці польскіх ахвяр і ўскладняе пабудову шчырага дыялогу», — адзначылі ў гарадской радзе.
У той жа час Люблін падкрэслівае, што застаецца саюзнікам Украіны ў барацьбе за незалежнасць і тэрытарыяльную цэласнасць.
«Мы не бачым супярэчнасці паміж абаронай гістарычнай праўды і салідарнасцю з народам, які стаў ахвярай агрэсіі», — гаворыцца ў заяве.
Сярод жыхароў горада меркаванні адносна зняцця сцяга падзяліліся. Адны падтрымліваюць гэтае рашэнне, спасылаючыся на непрымальнае, на іх думку, ўслаўленне Украінскай паўстанцкай арміі, якая змагалася з полькімі фармаваннямі падчас Другой сусветнай.
Іншыя лічаць яго недарэчным зараз, адзначаючы, што ўкраінцы дагэтуль ваююць на перадавой супраць расійскіх войскаў.
26 мая Зяленскі падпісаў указ аб прысваенні Асобнаму цэнтру спецыяльных аперацый «Поўнач» ганаровага наймення «імя Герояў УПА» за ўзорнае выкананне баявых задач.
У адказ прэзідэнт Польшчы Караль Наўроцкі заявіў, што разглядае магчымасць пазбаўлення Зяленскага найвышэйшай дзяржаўнай узнагароды рэспублікі.
Міністэрства замежных спраў Украіны адказала, што Кіеў не меў намеру абражаць польскі народ — для Украіны УПА сімвалізуе выключна супраціў маскоўскай імперскай палітыцы.
Каб не плаціць падатак на сабак, мінчукі пачалі здаваць іх у пункты адлову25
Каментары
Але ні слова пра сапраўдную прычыну, пра якую ўсё пішуць і кажуць у Польшчы, а менавіта пра датычнасць УПА да Валынскай разні.
Пытанне: гэта такая недапрацоўка ці маніпуляцыя?
Затое цяпер менавіта ўкраінцы не даюць карычневай чуме рашызму падыйсці да межаў Польшчы.