У Швецыі выходзіць кніга пра Беларусь нямецкага даследчыка Інга Пэца
Кніга нямецкага журналіста, пісьменніка і даследчыка Інга Пэца «Rasender Stillstand: Belarus — eine Revolution und die Folgen» у арыгінале пабачыла свет у 2024 годзе, а ў жніўні выходзіць у перакладзе на шведскую ў выдавецтве Bokförlaget Stolpe, піша bellit.info.
Кнігу «Belarus: En revolution och dess följder» (Беларусь: рэвалюцыя і яе наступствы) на шведскую з нямецкай пераклаў Нільс Хокансан.
«Тое, што кніга з’яўляецца на шведскім кніжным рынку, на маю думку, не выпадковасць, бо Швецыя, як краіна-піянер, рана пачала адкрываць для сябе сучасную беларускую літаратуру і культуру, тым самым забяспечваючы мастакоў і пісьменнікаў з Беларусі новымі платформамі і мастамі, інтэгруючы іх у еўрапейскі дыскурс. Гэта прывяло да пашырэння цікавасці і большай уключанасці ў справы краіны, якія сярод іншага прадугледжваюць падтрымку беларускага дэмакратычнага руху, грамадзянскай супольнасці і СМІ. Кніга выйдзе ў жніўні, а ў канцы верасня я стану госцем Гётэборгскага кніжнага кірмашу, каб прадставіць яе і абмеркаваць з экспертамі беларускую тэматыку», — падзяліўся навіной у сацсетках Інга Пэц.
Журналіст і пісьменнік Інга Пэц амаль трыццаць гадоў вывучае Беларусь, і ў гэтай кнізе ён разглядае як падзеі, якія прывялі да рэвалюцыі 2020 году, так і яе наступствы. Тут ён адказвае на такія пытанні, як: які ўплыў рэпрэсіі рэжыму аказалі на грамадства? Як выглядае паўсядзённае жыццё ў цяперашняй Беларусі? Што рухае прыхільнікамі рэжыму? І якія ёсць магчымасці для змен? «Беларусь: рэвалюцыя і яе наступствы» — гэта кранальная і актуальная кніга пра рэпрэсіўную дыктатуру ў непасрэднай блізкасці ад Швецыі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары