У ЗША ін'екцыі для пахудання афіцыйна ўхвалілі ў якасці лекаў пры сардэчных захворваннях
Цяпер іх можна будзе атрымаць па медыцынскай страхоўцы.
Колькасць грамадзян ЗША, якія атрымліваюць ін'екцыі для пахудання, якія аплачваюцца іх медыцынскай страхавой кампаніяй, імаверна, значна павялічыцца ў найбліжэйшы час, піша Bild.
Амерыканскае агенцтва лекавых сродкаў (FDA) ухваліла ін'екцыі для пахудання Wegovy ад дацкага фармацэўтычнага гіганта Novo Nordisk для прафілактыкі сардэчных прыступаў і інсультаў у пацыентаў з групы высокай рызыкі.
У ведамстве заявілі, што Wegovy будзе таксама ўхвалены ў будучыні для «зніжэння рызыкі фатальных сардэчна-сасудзістых падзей, сардэчных прыступаў і інсультаў у дарослых з сардэчна-сасудзістымі захворваннямі, атлусценнем або залішняй вагой».
«Прадастаўленне варыянту лячэння, што, як было даказана, зніжае рызыку, з'яўляецца важным дасягненнем у галіне грамадскага аховы здароўя», — заявіў прадстаўнік FDA Джон Шарэтс.
Станоўчы ўплыў такіх прэпаратаў на сардэчна-сасудзістыя захворванні ўжо быў пацверджана некалькімі навуковымі даследаваннямі.
Па дадзеных кампаніі Novo Nordisk, актыўны інгрэдыент семаглутыд, які змяшчаецца ў Wegovy, выклікаў зніжэнне сардэчна-сасудзістых захворванняў у даследаванні з удзелам 17604 дарослых старэйшых за 45 гадоў.
У групе частата сардэчных прыступаў, інсультаў ці смерці з-за сардэчна-сасудзістай недастатковасці знізілася на 20%.
Большасць страхавых кампаній не пакрываюць выдаткі на лекі, ухваленыя толькі для зніжэння вагі. Такі прынцып, напрыклад, працягвае дзейнічаць у Нямеччыне — да таго часу, пакуль ін'екцыі для пахудання не будуць ухваленыя пры захворваннях сэрца.
FT назвала чалавекам года кіраўніка кампаніі, якая распрацавала прэпараты для зніжэння вагі
Дацкі фармгігант захоплівае свет лекамі ад атлусцення, але эканоміка Даніі пад пагрозай. Як так?
Будучыня набліжаецца да нас імкліва: дзевяць навуковых прарываў года
З Беларусі сышла кампанія Novo Nordisk. Што цяпер будзе з пастаўкамі інсуліну?
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары