15 сакавіка ў ГРЦ «Афімол» у Маскве адбылося адкрыццё флагманскай крамы беларускага брэнда.
Крама плошчай каля 200 квадратных метраў адкрылася ў абноўленай канцэпцыі. Гэта ўжо трэцяя інтэрпрэтацыя прасторы крам для расійскага рынку, піша New Retail.
У кампаніі распавялі аб выніках 2023 года, якія пацвярджаюць, што брэнду ўдалося замацавацца на новым рынку і нарасціць лаяльную аўдыторыю. За год продажы выраслі на 204%, а паток наведвальнікаў у два разы.
Першая крама маркі адчынілася ў РФ у 2014 годзе, аднак актыўнае развіццё брэнд пачаў пасля лютага 2022 года, калі з рынку сышла частка еўрапейскіх брэндаў і канкурэнцыя ў fashion сегменце аслабла.
Усяго на рынку Расіі дзейнічае 92 крамы ў 30 гарадах. За 2023 год было адкрыта 29 новых прастор. Гаворачы аб планах на 2024 год, у кампаніі называюць іх «амбіцыйнымі», — расійская сетка пашырыцца на 42 крамы. Пад брэндам Mark Formelle выпускаецца восем лінеек адзення.
Усяго сетка Mark Formelle аб'ядноўвае больш за 300 крамаў у Беларусі, Расіі, Казахстане і Узбекістане, анлайн-пакупкі ў інтэрнэт-краме і на ўсіх папулярных маркетплейсах.
Кампанія была створана ў 2009 годзе мужам і жонкай і партнёрамі па бізнесе Святланай Сіпаравай і Андрэем Серыкавым.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары