15 sakavika ŭ HRC «Afimoł» u Maskvie adbyłosia adkryćcio fłahmanskaj kramy biełaruskaha brenda.
Krama płoščaj kala 200 kvadratnych mietraŭ adkryłasia ŭ abnoŭlenaj kancepcyi. Heta ŭžo treciaja interpretacyja prastory kram dla rasijskaha rynku, piša New Retail.
U kampanii raspaviali ab vynikach 2023 hoda, jakija paćviardžajuć, što brendu ŭdałosia zamacavacca na novym rynku i naraścić łajalnuju aŭdytoryju. Za hod prodažy vyraśli na 204%, a patok naviedvalnikaŭ u dva razy.
Pieršaja krama marki adčyniłasia ŭ RF u 2014 hodzie, adnak aktyŭnaje raźvićcio brend pačaŭ paśla lutaha 2022 hoda, kali z rynku syšła častka jeŭrapiejskich brendaŭ i kankurencyja ŭ fashion siehmiencie asłabła.
Usiaho na rynku Rasii dziejničaje 92 kramy ŭ 30 haradach. Za 2023 hod było adkryta 29 novych prastor. Havoračy ab płanach na 2024 hod, u kampanii nazyvajuć ich «ambicyjnymi», — rasijskaja sietka pašyrycca na 42 kramy. Pad brendam Mark Formelle vypuskajecca vosiem liniejek adzieńnia.
Usiaho sietka Mark Formelle abjadnoŭvaje bolš za 300 kramaŭ u Biełarusi, Rasii, Kazachstanie i Uźbiekistanie, anłajn-pakupki ŭ internet-kramie i na ŭsich papularnych markietplejsach.
Kampanija była stvorana ŭ 2009 hodzie mužam i žonkaj i partniorami pa biźniesie Śviatłanaj Siparavaj i Andrejem Sierykavym.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary