Падставай для складання пратакола сталі нацыянальныя сцягі, якія забралі ў вядомай грамадскай актывісткі.
Паколькі Ніна Багінская на суды прынцыпова не ходзіць, то пакуль невядома, ці не даставілі яе туды прымусова супрацоўнікі міліцыі. Інфармацыю пра гэта «Белсату» паведаміла крыніца ў Беларусі.
З крыніцаў «Белсата» вядома, што 20 сакавіка Багінская была ў кватэры сына, калі туды прыйшлі сілавікі з ператрусам. Яны забралі ўсе носьбіты інфармацыі, а таксама тры сцягі і плакат з Пагоняй, якія належалі Ніне Багінскай.
У той жа дзень Багінская наведала Следчы камітэт, каб высветліць лёс забраных рэчаў. Яна падала заяву з патрабаваннем, каб усё было аформлена па законе — маёмасць забралі толькі пасля таго, як будзе на гэта адпаведная пастанова суда.
Крыніцы паведамілі, што дзяжурны выклікаў у будынак Следчага камітэту міліцыянтаў і тыя затрымалі жанчыну. У аддзеле міліцыі Партызанскага раёна міліцыянты знялі маленькі значок з выявай нацыянальнага сцяга з каўнера паліто, у якое была апранута Багінская.
На яе склалі пратакол за «нашэнне экстрэмісцкай атрыбутыкі» і адпусцілі дадому. У выпадку, калі 1 красавіка Ніна Багінская не з’явіцца ў судзе, адміністрацыйную справу будуць разглядаць завочна.
Ніна Багінская за сваю грамадскую дзейнасць была пакараная шмат разоў. Штрафы склалі такую суму, што ўлады апісалі яе маёмасць, у тым ліку нерухомасць. Яе лецішча выстаўлялі на аўкцыён. Палова ўчастка і палова дома цяпер закрытыя для жанчыны, бо яна ўжо не можа імі распараджацца. Ніна Багінская не аднойчы выказвалася, што лічыць дзеянні ўладаў у дачыненні да яе беспадстаўнымі і незаконнымі.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
А ланцуговыя калабаранты разбягуцца пры першым сур'ёзным шухеры і рэальнай ўласнай пагрозе з боку народа.