Параненага два тыдні таму прэм'ера Славакіі сёння выпісалі з бальніцы
Роберта Фіцу перавялі на хатняе лячэнне.
Прэм'ер-міністр Роберт Фіца больш не знаходзіцца ў бальніцы ў Банска-Бістрыцы, куды ён быў шпіталізаваны 15 дзён таму пасля замаху на яго. Паводле некалькіх крыніц, ён быў пераведзены на хатняе лячэнне, піша dennikn.sk.
У пятніцу раніцай гэтую інфармацыю пацвердзілі ў бальніцы ў Банска-Бістрыцы. У паведамленні ў фэйсбуку гаворыцца, што прэм'ер-міністр праходзіць лячэнне дома.
«Я хацеў бы скарыстацца гэтай магчымасцю, каб шчыра падзякаваць яму самому, таму што ён быў дысцыплінаваным пацыентам, каманду нашых выдатных медыкаў за выдатную працу, усе ўзброеныя сілы за іх прафесійны падыход і ўсіх людзей за тое, што яны зрабілі. Яны перадалі нам моцную пазітыўную энергію», — распавяла дырэктар бальніцы Мірыям Лапунікава.
Разам з тым сёння ўзмацнілася перамяшчэнне ахоўнікаў і паліцэйскіх вакол кватэры Роберта Фіцы ў Браціславе.
Замах на Роберта Фіца адбыўся 16 мая ў горадзе Гандлава пасля выязнога пасяджэння ўрада. Калі прэм'ер падышоў да мясцовых жыхароў, 71-гадовы мужчына стрэліў у яго некалькі разоў.
Першапачаткова ўлады не называлі імя падазраванага, аднак мясцовыя СМІ на працягу дня высветлілі, што тым, хто страляў, быў мясцовы 71-гадовы літаратар і палітычны актывіст Юрай Цінтула, які быў незадаволены палітыкай Фіцы.
Замах на прэм'ера Славакіі — яго стан вельмі цяжкі
Стала вядома, хто страляў у славацкага прэм'ера Фіца
«ЦРУ ці МІ-6. Замова транснацыянальных эліт». Прапаганда выкарыстоўвае замах на Фіца па поўнай праграме
Выздараўленне прэм'ера Славакіі зойме некалькі тыдняў
Прыязны да Расіі прэм'ер Славакіі нечакана стаў на бок Украіны
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей14
Каментары